ಪೈ ಇಂಟರ್ನ್ಯಾಷನಲ್ ಬಹುಮಾನ
Published 24 ಮಾರ್ಚ್ 2018, 19:30 IST
ಬೆಂಗಳೂರಿನಲ್ಲಿ ಪೈ ಇಂಟರ್ನ್ಯಾಷನಲ್ ಸಂಸ್ಥೆ ಆಯೋಜಿಸಿದ್ದ ‘ನ್ಯೂ ಇಯರ್ ಸೂಪರ್ ಸೇಲ್‌’ ಬಹುಮಾನ ವಿತರಣೆ ಕಾರ್ಯಕ್ರಮದಲ್ಲಿ ವ್ಯವಸ್ಥಾಪಕ ನಿರ್ದೇಶಕ ರಾಜಕುಮಾರ್ ಪೈ (ಎಡದಿಂದ 2ನೇಯವರು) ಅವರು ಅದೃಷ್ಟಶಾಲಿ ವಿಜೇತ ಶರ್ಮ ಅವರಿಗೆ ಬಹುಮಾನ ವಿತರಿಸಿದರು. (ಎಡದಿಂದ) ಶಾಖಾ ವ್ಯವಸ್ಥಾಪಕ ಶ್ರೀಧರ್, ನಿವೃತ್ತ ಎಸಿಪಿ ವೆಂಕಟಸ್ವಾಮಿ ಇದ್ದರು- ಪ್ರಜಾವಾಣಿ ಚಿತ್ರ
ಬೆಂಗಳೂರು: ಗ್ರಾಹಕ ಉತ್ಪನ್ನಗಳನ್ನು ಮಾರಾಟ ಮಾಡುವ ಪೈ ಇಂಟರ್‌ ನ್ಯಾಷನಲ್‌ ಸಂಸ್ಥೆಯು ‘ನ್ಯೂ ಇಯರ್ ಸೂಪರ್ ಸೇಲ್ಸ್’ನ ಅದೃಷ್ಟಶಾಲಿ ವಿಜೇತರಿಗೆ ಶನಿವಾರ ಬಹುಮಾನ ವಿತರಣೆ ಮಾಡಿತು.
ನಗರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮೊದಲ ಬಹುಮಾನವಾಗಿ 100 ವಿಜೇತರಿಗೆ ತಲಾ ₹ 1 ಲಕ್ಷ ಮೌಲ್ಯದ ಚಿನ್ನ ಹಾಗೂ ಎರಡನೇ ಬಹುಮಾನವಾಗಿ 100 ಗ್ರಾಹಕರಿಗೆ ತಲಾ ₹ 50 ಸಾವಿರ ಮೌಲ್ಯದ ಚಿನ್ನ ವಿತರಣೆ ಮಾಡಲಾಯಿತು.
‘ಗ್ರಾಹಕರಿಗೆ ಉತ್ತಮ ಬೆಲೆಗೆ ಗುಣಮಟ್ಟದ ಉತ್ಪನ್ನಗಳನ್ನು ನೀಡುವ ಭರವಸೆಯನ್ನು ಕಾಯ್ದಕೊಂಡಿದ್ದೇವೆ. ಪ್ರಶಸ್ತಿ ವಿತರಣೆಯ ಮೂಲಕ ಪಾರದರ್ಶಕತೆ ಮತ್ತು ಪ್ರಾಮಾಣಿಕತೆಯನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದೇವೆ’ ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ರಾಜಕುಮಾರ್ ಪೈ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.