ಷೇರುಪೇಟೆಯಲ್ಲಿ ನಾಲ್ಕನೇ ದಿನವೂ ಉತ್ತಮ ವಹಿವಾಟು

ಮುಂಬೈ: ದೇಶದ ಷೇರುಪೇಟೆಗಳಲ್ಲಿ ಸತತ ನಾಲ್ಕನೇ ದಿನವೂ ಉತ್ತಮ ವಹಿವಾಟು ನಡೆಯಿತು.

ಜಾಗತಿಕ ವಿದ್ಯಮಾನಗಳ ಪ್ರಭಾವ ಮತ್ತು ಔಷಧ ವಲಯದ ಷೇರುಗಳ ಖರೀದಿ ಹೆಚ್ಚಾಗಿದ್ದರಿಂದ ಸೂಚ್ಯಂಕಗಳು ಏರಿಕೆ ಕಂಡವು. ಆದರೆ ಲಾಭ ಗಳಿಕೆ ಉದ್ದೇಶದ ವಹಿವಾಟು ನಡೆದಿದ್ದರಿಂದ ಸೂಚ್ಯಂಕ ಹೆಚ್ಚಿನ ಏರಿಕೆ ಕಾಣದಂತಾಯಿತು ಎಂದು ತಜ್ಞರು ಹೇಳಿದ್ದಾರೆ.

ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ 118 ಅಂಶ ಹೆಚ್ಚಾಗಿ 33,478 ಅಂಶಗಳಲ್ಲಿ ವಹಿವಾಟು ಅಂತ್ಯಕಂಡಿತು. ನವೆಂಬರ್‌ 6 ರ ನಂತರ ವಹಿವಾಟಿನ ಗರಿಷ್ಠ ಅಂತ್ಯ ಇದಾಗಿದೆ.

ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್‌ಎಸ್ಇ) 28 ಅಂಶ ಹೆಚ್ಚಾಗಿ 10,326 ಅಂಶಗಳಲ್ಲಿ ವಹಿವಾಟು ಅಂತ್ಯವಾಗಿದೆ.