ಫ್ಲಿಪ್‌ಕಾರ್ಟ್, ಅಮೆಜಾನ್, ಪೇಟಿಎಂ ಜತೆ ಪತಂಜಲಿ ಉದ್ಯಮ ಸಹಯೋಗ
Published 16 ಜನವರಿ 2018, 9:35 IST
ಫ್ಲಿಪ್‌ಕಾರ್ಟ್, ಅಮೆಜಾನ್, ಪೇಟಿಎಂ ಜತೆ ಪತಂಜಲಿ ಉದ್ಯಮ ಸಹಯೋಗ
ನವದೆಹಲಿ: ಯೋಗ ಗುರು ಬಾಬಾ ರಾಮ್‌ದೇವ್ ಒಡೆತನದ ‘ಪತಂಜಲಿ ಆಯುರ್ವೇದ’ ಸಂಸ್ಥೆಯು ಇ–ಕಾಮರ್ಸ್ ಕಂಪೆನಿಗಳಾದ ಫ್ಲಿಪ್‌ಕಾರ್ಟ್, ಅಮೆಜಾನ್, ಪೇಟಿಎಂ ಮತ್ತಿತರ ಕಂಪೆನಿಗಳ ಜತೆ ಉದ್ಯಮ ಸಹಯೋಗ ಮಾಡಿಕೊಂಡಿದೆ.
ಇನ್ನು ಪತಂಜಲಿ ಉತ್ಪನ್ನಗಳು ಫ್ಲಿಪ್‌ಕಾರ್ಟ್, ಅಮೆಜಾನ್, ಪೇಟಿಎಂ, ಬಿಗ್ ಬಾಸ್ಕೆಟ್, ಗ್ರೊಫರ್ಸ್, ನೆಟ್‌ಮೆಡ್ಸ್ ಮತ್ತು ಇತರ ಇ–ಕಾಮರ್ಸ್ ತಾಣಗಳಲ್ಲಿ ಲಭ್ಯವಿರಲಿವೆ. ಜತೆಗೆ, patanjaliayurved.net. ಎಂಬ ಆನ್‌ಲೈನ್‌ ತಾಣವನ್ನೂ ಪತಂಜಲಿ ಆರಂಭಿಸಿದೆ.
‘ನಿಯಮಗಳು ಮತ್ತು ವ್ಯಾಪಾರ ನೀತಿಗಳಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೆ ಪತಂಜಲಿ ಉತ್ಪನ್ನಗಳನ್ನು ಪ್ರತಿ ಮನೆಗಳಿಗೂ ತಲುಪಿಸುವುದನ್ನು ಖಚಿತಪಡಿಸುವುದರ ಜತೆಗೆ, ಸ್ವದೇಶಿ ಚಳವಳಿ ಕುರಿತು ಕಾಳಜಿ ವಹಿಸಲಾಗುವುದು’ ಎಂದು ರಾಮ್‌ದೇವ್ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.