ಅಪರೂಪದ ವಿಂಟೇಜ್ ವಾಹನಗಳ ಪ್ರದರ್ಶನ
ಬೆಂಗಳೂರು: ಬೆಂಗಳೂರು ವಿಂಟೇಜ್ ಸಮೂಹವು ಭಾನುವಾರ ನಗರದಲ್ಲಿ ಆಯೋಜಿಸಿದ್ದ ದಕ್ಷಿಣ ಭಾರತ ವಿಂಟೇಜ್ ವಾಹನಗಳ ಪ್ರದರ್ಶನದಲ್ಲಿ 1910ರಿಂದ 1980ರವರೆಗಿನ ವಾಹನಗಳು ಗಮನ ಸೆಳೆದವು.
ನಗರದ ಜಯಮಹಲ್‌ ಅರಮನೆ ಹೋಟೆಲ್‌ ಮೈದಾನದಲ್ಲಿ ಆಯೋಜಿ ಸಲಾಗಿದ್ದ ಈ ಪ್ರದರ್ಶನದಲ್ಲಿ ಕರ್ನಾಟಕ, ಕೇರಳ, ತಮಿಳುನಾಡು ಹಾಗೂ ಆಂಧ್ರಪ್ರದೇಶದಿಂದ ಬಂದಿದ್ದ ವಿಶಿಷ್ಟ, ಅಪರೂಪದ ಹಾಗೂ ವೈವಿಧ್ಯಮಯ ವಿಂಟೇಜ್ ಮತ್ತು ಕ್ಲಾಸಿಕ್ ಕಾರು, ಬೈಕ್‌ ಹಾಗೂ ಸೈಕಲ್‌ ಗಳನ್ನು ಕಣ್ತುಂಬಿಕೊಳ್ಳುವ ಅವಕಾಶ ವಾಹನ ಪ್ರಿಯರಿಗೆ ಲಭಿಸಿತ್ತು.
₨ 1 ಲಕ್ಷ ಮೌಲ್ಯದ ವಿಂಟೇಜ್ ರ್‌್ಯಾಲಿ ಬೈಕ್‌ ಆಕರ್ಷಣೆಯಾಗಿತ್ತು. ಈ ರೀತಿಯ ಬೈಕ್‌ಗಳು ಈಗ ವಿಶ್ವದಲ್ಲೇ ವಿರಳ. 1914ರಲ್ಲಿ ತಯಾರಿಸಲಾಗಿದ್ದ ಸನ್‌ ಬೀಮ್‌ ಬೈಕ್‌ ಗಮನ ಸೆಳೆಯಿತು. 1947 ರಲ್ಲಿ ತಯಾರಾದ ಇಟಲಿಯನ್‌ ಲ್ಯಾಂಬ್ರೆಟಾ ಮೇಲೆ ಜನರು ಕುಳಿತು ಸಂಭ್ರಮಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.