ಹೊರಗುತ್ತಿಗೆ ಪ್ರಸ್ತಾಪ ಕೈಬಿಟ್ಟ ಬಿಎಂಟಿಸಿ

ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು ಹೊರಗುತ್ತಿಗೆ ಆಧಾರದಲ್ಲಿ ಬಸ್‌ಗಳನ್ನು ಕಾರ್ಯಾಚರಣೆ ಮಾಡುವ ಪ್ರಸ್ತಾಪವನ್ನು ಕೈಬಿಟ್ಟಿದೆ.

ಬಿಎಂಟಿಸಿಯು ನಷ್ಟ ಪ್ರಮಾಣ ಹೆಚ್ಚಿದ ಕಾರಣ ಹೊರಗುತ್ತಿಗೆ ಸೇವೆ ಆರಂಭಿಸಲು ಆಸಕ್ತಿ ವಹಿಸಿತ್ತು. ಇದಕ್ಕೆ ಸಂಸ್ಥೆಯ ನೌಕರರ ಸಂಘಟನೆ ಸೇರಿದಂತೆ ವಿವಿಧ ಸಂಘಟನೆಗಳಿಂದ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು. ಈಗ ಅಂತಹ ಯಾವುದೇ ಪ್ರಸ್ತಾಪ ಇಲ್ಲ ಎಂದು ಬಿಎಂಟಿಸಿ ಮಂಗಳವಾರ ಪ್ರಕಟಿಸಿದೆ.