ಹುಚ್ಚು ನಾಯಿ ದಾಳಿ: 24 ಮಂದಿಗೆ ಗಾಯ

ಬೇಲೂರು: ಪಟ್ಟಣದಲ್ಲಿ ಹುಚ್ಚು ನಾಯಿಯೊಂದು ಮಕ್ಕಳು ಹಾಗೂ ಜನರನ್ನು ಮನಬಂದಂತೆ ಕಡಿದಿದ್ದು, 24 ಮಂದಿ ಗಾಯಗೊಂಡಿದ್ದಾರೆ. ಬುಧವಾರ ಸಂಜೆಯಿಂದ ನಾಯಿಯ ಆರ್ಭಟ ಆರಂಭವಾಗಿ ಗುರುವಾರ ಬೆಳಿಗ್ಗೆಯೂ ಮುಂದುವರಿದಿತ್ತು. ಗುರುವಾರ ಬೆಳಿಗ್ಗೆ 5ಕ್ಕೂ ಹೆಚ್ಚು ಜನರಿಗೆ ಕಡಿಯಿತು.

ಬುಧವಾರ ಸಂಜೆ 17ಕ್ಕೂ ಹೆಚ್ಚು ಜನರನ್ನು ಕಡಿದಿದ್ದ ಬಿಳಿ ಬಣ್ಣದ ಹುಚ್ಚು ನಾಯಿ, ಗುರುವಾರ ಬೆಳಿಗ್ಗೆ ವಾಯುವಿಹಾರಕ್ಕೆ ಬಂದಿದ್ದ ಜನರ ಮೇಲೆ ದಾಳಿ ನಡೆಸಿತು.
5ಕ್ಕೂ ಹೆಚ್ಚು ಮಂದಿಯನ್ನು ಗಾಯಗೊಳಿಸಿತು. ಪುರಸಭೆ ಸಿಬ್ಬಂದಿ ನಾಯಿ ಹಿಡಿಯಲು ಯತ್ನಿಸಿದಾಗ ಅವರ ಮೇಲೂ ಎರಗಿತು. ಇದರಿಂದ ಸಿಬ್ಬಂದಿಗಳಾದ ನಾಗರಾಜ, ಮಹೇಂದ್ರ ಗಾಯಗೊಂಡರು.