ಶಾಸಕ ವಜ್ಜಲ ಕಚೇರಿಗೆ ರೈತರ ಮುತ್ತಿಗೆ

ಭಾರತೀಯ ಆಹಾರ ನಿಗಮದಿಂದ ಡಿ. 14ರಿಂದ ಆರಂಭಗೊಂಡಿರುವ ತೊಗರಿ ಖರೀದಿ ಕೇಂದ್ರದ ಅಧಿಕಾರಿಗಳು ರೈತರಲ್ಲಿ ಗೊಂದಲ ಮೂಡಿಸುತ್ತಿದ್ದು, ವರ್ತಕರಿಂದ ಹೆಚ್ಚಿನ ಬೆಲೆಗೆ ತೊಗರಿ ಖರೀದಿಸುತ್ತಿದ್ದಾರೆ. ತೊಗರಿ ಮಾರಾಟ ಮಾಡಲು ಬರುವ ರೈತರಿಗೆ ಕಿರುಕುಳ ನೀಡಲಾಗುತ್ತಿದೆ ಎಂದು ಆರೋಪಿಸಿದರು.
 

ಕಳೆದ ಎರಡು ತಿಂಗಳಿಂದ ನಿರಂತರ ಹೋರಾಟ ನಡೆಸುತ್ತಿರುವ ರೈತರ ಸಮಸ್ಯೆಗಳಿಗೆ ಜನಪ್ರತಿನಿಧಿಗಳು ಸ್ಪಂದಿಸುತ್ತಿಲ್ಲ. ಕೇಂದ್ರದಲ್ಲಿ ದಿನಕ್ಕೊಂದು ನೀತಿ, ನಿಯಮ ಹಾಕುವ ಮೂಲಕ ವ್ಯವಸ್ಥಾಪಕರು ರೈತರಿಗೆ ವಂಚನೆ ಮಾಡುತ್ತಿದ್ದಾರೆ. ಬೆಂಬಲ ಬೆಲೆಗೆ ಪ್ರೋತ್ಸಾಹಧನ ಸೇರಿಸಿ ಖರೀದಿ ಮಾಡುವುದರಿಂದ ಹಿಡಿದು ಎಲ್ಲ ಹಂತದಲ್ಲಿ ಸಮಸ್ಯೆ ಸೃಷ್ಟಿಸುತ್ತಿದ್ದಾರೆ. ರೈತರಿಗೆ ಒಂದೂವರೆ ತಿಂಗಳಾದರು ಹಣ ಪಾವತಿಸುತ್ತಿಲ್ಲ. ರೈತರ ಮೇಲೆ ದಬ್ಬಾಳಿಕೆ ನಡೆಸಿದ ಅಧಿಕಾರಿ ಮತ್ತು ಹಮಾಲರ ವಿರುದ್ಧ ಪ್ರಕರಣ ದಾಖಲಾದರೂ ತಾಲ್ಲೂಕು ಆಡಳಿತ ಸಂಕಷ್ಟಕ್ಕೆ ಸ್ಪಂದಿಸುತ್ತಿಲ್ಲ ಎಂದು  ಹೇಳಿದರು. 
 

ರೈತ ಮಹಿಳೆ ಹನುಮಂತಿ ಕನಸಾವಿ ಮಾತನಾಡಿ, ಶಾಸಕರು ಗ್ರಾಮಗಳಿಗೆ ಭೇಟಿ ನೀಡಿ ಭರವಸೆ ನೀಡಿರುತ್ತೀರಿ. ಆದರೆ ಖರೀದಿ ಕೇಂದ್ರ ಬಂದ್‌ ಮಾಡಿದ್ದರೂ ಸಮಸ್ಯೆಗೆ ಸ್ಪಂದಿಸುತ್ತಿಲ್ಲ. ಶಾಸಕರು ಕಚೇರಿಯಿಂದ ಹೊರ ಬಂದು ಕೇಂದ್ರಕ್ಕೆ ಭೇಟಿ ನೀಡಬೇಕೆಂದು ಆಕ್ರೋಶ ವ್ಯಕ್ತಪಡಿಸಿದರು. ರೈತ ಮುಖಂಡರಾದ ಅಂದಾನೆಪ್ಪ, ಬಸಲಿಂಗಪ್ಪ, ಬಸಪ್ಪ, ವೆಂಕನಗೌಡ, ಹನುಮಂತ, ಶಿವಪುತ್ರಪ್ಪ, ಹನುಮಗೌಡ ಭಾಗವಹಿಸಿದ್ದರು.

 

‘ಭೇಟಿ ನೀಡುವ ಅಗತ್ಯವಿಲ್ಲ’

ಸಣ್ಣಪುಟ್ಟ ಸಮಸ್ಯೆಗಳನ್ನು ಕೇಳಲು ನಾನು ಶಾಸಕನಾಗಿಲ್ಲ. ಈಗಾಗಲೇ ಖರೀದಿ ಕೇಂದ್ರದ ಬಗ್ಗೆ ಉಪ ವಿಭಾಗಾಧಿಕಾರಿಗೆ ದೂರವಾಣಿ ಮೂಲಕ ಮಾತನಾಡಿದ್ದು, ಸ್ವತಃ ಭೇಟಿ ನೀಡುವ ಅವಶ್ಯಕತೆ ಇಲ್ಲ. ನಿಮಗೆ ನ್ಯಾಯ ಒದಗಿಸಲು ಅಧಿಕಾರಿಗಳಿಗೆ ಸೂಚಿಸುತ್ತೇನೆ ಎಂದು ಶಾಸಕ ಮಾನಪ್ಪ ವಜ್ಜಲ  ಕಚೇರಿಯಿಂದ ಹೊರನಡೆದರು.