ರಾಮನಗರದಾದ್ಯಂತ ವರುಣನ ಆರ್ಭಟ

ರಾಮನಗರ: ಜಿಲ್ಲೆಯಾದ್ಯಂತ ಶನಿವಾರ ವರುಣ ಆರ್ಭಟಿಸಿದ್ದು, ದಾಖಲೆಯ ಮಳೆಯಾಗಿದೆ. ಮಾಗಡಿ ತಾಲ್ಲೂಕಿನ ಪರಂಗಿಚಿಕ್ಕನಪಾಳ್ಯದಲ್ಲಿ ಮನೆಯೊಂದು ಕುಸಿದು ಬಿದ್ದಿದೆ.  ಅಲ್ಲಲ್ಲಿ ವಿದ್ಯುತ್ ಕಂಬಗಳು ಧರೆಗೆ ಉರುಳಿವೆ.

ಬಹುತೇಕ ಕೆರೆಗಳು ತುಂಬಿದ್ದು, ಕೋಡಿ ಬಿದ್ದಿದೆ. ಉಳಿದ ತಾಲ್ಲೂಕುಗಳಲ್ಲಿಯೂ ಭರ್ಜರಿ ಮಳೆ ಸುರಿದಿದೆ. ಮಾಗಡಿ-85 ಮಿಲಿಮೀಟರ್, ರಾಮನಗರ-79, ಕನಕಪುರ-56 ಹಾಗೂ ಚನ್ನಪಟ್ಟಣ ತಾಲ್ಲೂಕಿನಲ್ಲಿ 55ಮಿಲಿಮೀಟರ್ ನಷ್ಟು ಸರಾಸರಿ ಮಳೆಯಾಗಿದೆ.