ಆನೆಗುಂದಿ ಮಠಕ್ಕೆ ಬಸ್‌ ಸಂಪರ್ಕ ಆರಂಭ

ಶಿರ್ವ: ಪಡುಕುತ್ಯಾರು ಆನೆಗುಂದಿ ಮಠಕ್ಕೆ ನೂತನವಾಗಿ ಸಂಚಾರ ಆರಂಭಿಸಿದ ನರ್ಮ್ ಬಸ್‌ಗೆ ಕಟಪಾಡಿಯ ಕಾಳಹಸ್ತೇಂದ್ರ ಸರಸ್ವತಿ ಸ್ವಾಮೀಜಿ  ಪಡುಕುತ್ಯಾರು ಆನೆಗುಂದಿ ಮಠದ ಬಳಿ  ಈಚೆಗೆ ಪೂಜೆಸಲ್ಲಿಸಿದರು.

ಉಡುಪಿ, ಕಾಪು, ಮಜೂರು, ಪಕೀರನಕಟ್ಟೆ, ಬೆಳಪು, ಜ್ಯೋತಿನಗರ, ಇರಂದಾಡಿ, ಪಡುಕುತ್ಯಾರು-ಆನೆಗುಂದಿ ಮಠಕ್ಕೆ ಭಕ್ತರನ್ನು, ಪ್ರಯಾಣಿಕರನ್ನು ಕರೆತರುವ ಬಸ್‌ ವ್ಯವಸ್ಥೆ ಕಲ್ಪಿಸಲು ಶ್ರಮ ವಹಿಸಿದವರೆಲ್ಲರಿಗೂ ಶ್ರೇಯಸ್ಸು ಉಂಟಾಗಲಿ ಎಂದರು. ಉಡುಪಿ ಬಸ್ ನಿಲ್ದಾಣದಿಂದ ಬೆಳಿಗ್ಗೆ 6.15ರಿಂದ ಪ್ರಾರಂಭವಾಗಿ ರಾತ್ರಿ 8 ಗಂಟೆಯವರೆಗೆ ಉಡುಪಿ– ಪಡುಕುತ್ಯಾರು ಮಧ್ಯೆ 2 ಬಸ್‌ಗಳು ಒಟ್ಟು 5 ಬಾರಿ  ಸಂಚರಿಸಲಿವೆ.

ಪ್ರತಿಷ್ಠಾನದ ಅಧ್ಯಕ್ಷ ತ್ರಾಸಿ ಸುಧಾಕರ ಆಚಾರ್ಯ, ಚಾತುರ್ಮಾಸ್ಯ ವ್ರತ ನಿರ್ವಹಣಾ ಸಮಿತಿಯ ಗೌರವಾಧ್ಯಕ್ಷರಾದ ಮಂಗಳೂರು ಕೆ.ಕೇಶವ ಆಚಾರ್ಯ, ಪ್ರತಿಷ್ಠಾನದ ಕಾರ್ಯದರ್ಶಿ ಲೋಕೇಶ್ ಆಚಾರ್, ವೈ. ಧರ್ಮೇಂದ್ರ ಆಚಾರ್ಯ ಕಾಸರಗೋಡು, ಕಾಡಬೆಟ್ಟು ನಾಗರಾಜ ಆಚಾರ್ಯ,ಗಂಗಾಧರ ಆಚಾರ್ಯ  ಇದ್ದರು.