ಜಾಯಮಾನ ಮೀರಿದ ಪ್ರೇಮದ ಘಮ

ಬದುಕಿನಾ ಬಣ್ಣವೆ ಬದಲಾದರೆ ಅದು ಪ್ರೇಮವೆ

ಬಡವನಾ ಕಣ್ಣಲೂ ಬೆಳಕಾದರೆ ಅದು ಪ್ರೇಮವೆ

ಕೊರಳಿದು ಕಂಪಿಸಿ ಬಿಗಿಯಾದರೆ ಅದು ಪ್ರೇಮವೆ

ತಿರುವಲಿ ದೇವರೆ ಎದುರಾದರೆ ಅದು ಪ್ರೇಮವೆ

ಗಾಳಿಯಲಿ ಬೆಚ್ಚನೆ ಅಲೆಯಿದೆ

ಹೃದಯಕೆ ದಾರಿ ಹೇಗೋ ಗೊತ್ತಾಗಿದೆ

ನಕ್ಷೆಯಾ ನೀಡದೆ...

ತಲುಪದಾ ಕರೆ ನೂರಾರಿವೆ

ಬೆರಳಲೇ ಇದೆ ಸಂಭಾಷಣೆ

ಕನಸಿಗೂ ಸಹ ಕಂದಾಯವೆ

ವಿರಹವೇ ಕಿರು ಸಂಭಾವನೆ

ಉಳಿವೆನೆ ನಾನು...

ಕಳೆದರೆ ನೀನು...

ನೆಪವಿರದೆ ನಿನ್ನ ಅಪಹರಿಸಿ ತಂದೆ

ಉಪಕರಿಸು ಶಿಕ್ಷೆಯಾ ನೀಡದೆ...

ಸೆಳೆತಕೆ ಕಾರಣಾ ಸಿಗದಾದರೆ ಅದು ಪ್ರೇಮವೆ

ಹೆಸರನು ಕೂಗಿದಾ ಭ್ರಮೆಯಾದರೆ ಅದು ಪ್ರೇಮವೆ

ಬರೆಯದಾ ಕಾಗದಾ ಪ್ರಿಯವಾದರೆ ಅದು ಪ್ರೇಮವೆ

ತೊರೆಯಲು ಜೀವಕೆ ಭಯವಾದರೆ ಅದು ಪ್ರೇಮವೆ