‘ಸಿಗ್ನೇಚರ್’ ಚಿತ್ರೀಕರಣ

ಪೂರ್ಣಿಮಾ ಭಾಸ್ಕರ್ ತೆಕ್ಕಟ್ಟೆ ನಿರ್ಮಿಸುತ್ತಿರುವ ‘ಸಿಗ್ನೇಚರ್’ ಚಿತ್ರದ ಚಿತ್ರೀಕರಣ ಬಿರುಸಿನಿಂದ ನಡೆಯುತ್ತಿದೆ. ಕುಂದಾಪುರ, ಮರವಂತೆ, ತೆಕ್ಕಟ್ಟೆ ಸುತ್ತಮುತ್ತ ಹತ್ತು ದಿನಗಳ ಕಾಲ ಮಾತಿನ ಭಾಗದ ಚಿತ್ರೀಕರಣ ನಡೆದಿದೆ. ಮಯೂರಿ, ರಂಜಿತ್, ಬೇಬಿ ಮಾನ್ಯ, ಬಚ್ಚನ್‌ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದಾರೆ.

ಗುರು ಮದ್ಲೇಸರ ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ವಿ. ಮನೋಹರ್ ಸಂಗೀತ ಸಂಯೋಜಿಸಿದ್ದಾರೆ. ಜೀವನ್ ಗೌಡ ಛಾಯಾಗ್ರಹಣ ಚಿತ್ರಕ್ಕಿದೆ. ವಿ. ಮನೋಹರ್, ನಾಗೇಂದ್ರಪ್ರಸಾದ್, ಕೆ. ಕಲ್ಯಾಣ್ ಹಾಡುಗಳನ್ನು ಬರೆದಿದ್ದಾರೆ. ಸುಧಾರಾಣಿ, ಸೂರ್ಯಕಿರಣ್, ಸುನೀಲ್ ಪುರಾಣಿಕ್, ಗಿರೀಶ್ ಜತ್ತಿ, ಪಚ್ಚಿ ಆತೂರು, ಬಚ್ಚನ್‌ ತಾರಾಗಣದಲ್ಲಿದ್ದಾರೆ.