‘ರೇಸ್‌ 3’ ಚಿತ್ರದ ಚಿತ್ರೀಕರಣದ ವೇಳೆ ಸಲ್ಮಾನ್‌ಗೆ ಬೆದರಿಕೆ
Published 12 ಜನವರಿ 2018, 6:33 IST
ಸಲ್ಮಾನ್‌ ಖಾನ್
ಮುಂಬೈ: ನಗರದ ಫಿಲಿಂ ಸಿಟಿಯಲ್ಲಿ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್ ಅಭಿನಯದ ‘ರೇಸ್‌ 3’ ಚಿತ್ರದ ಚಿತ್ರೀಕರಣ ನಡೆಯುತ್ತಿದ್ದ ವೇಳೆ ಶಸ್ತ್ರಾಸ್ತ್ರಗಳನ್ನು ಹೊಂದಿದ್ದ ವ್ಯಕ್ತಿಯೊಬ್ಬ ಸಲ್ಮಾನ್‌ಗೆ ಬೆದರಿಕೆ ಹಾಕಿದ್ದಾನೆ.
ಗುರುವಾರ ಈ ಘಟನೆ ನಡೆದಿದ್ದು, ಬಳಿಕ ಪೊಲೀಸರು ಭದ್ರತೆಯೊಂದಿಗೆ ಸಲ್ಮಾನ್‌ ಖಾನ್ ಅವರನ್ನು ಬಾಂದ್ರಾದ ನಿವಾಸಕ್ಕೆ ಕರೆದೊಯ್ದರು.
ಇತ್ತೀಚಿಗೆ ರಾಜಸ್ಥಾನ ಮೂಲದ ಗ್ಯಾಂಗ್‌ಸ್ಟಾರ್‌ವೊಬ್ಬರು ಸಲ್ಮಾನ್‌ ಅವರಿಗೆ ಬೆದರಿಕೆ ಹಾಕಿದ್ದು ಸುದ್ದಿಯಾಗಿತ್ತು.
ಈ ಕುರಿತು ಪ್ರತಿಕ್ರಿಯಿಸಿದ ಸಲ್ಮಾನ್‌ ಖಾನ್ ಅವರ ತಂದೆ ಸಲೀಂ ಖಾನ್, ‘ನನ್ನ ಮಗನಿಗೆ ರಾಜಸ್ಥಾನ ಮೂಲದ ಗ್ಯಾಂಗ್‌ಸ್ಟಾರ್‌ವೊಬ್ಬರಿಂದ ಕೊಲೆ ಬೆದರಿಕೆಗಳು ಕೇಳಿ ಬರುತ್ತಿರುವುದು ನಿಜ’ ಎಂದು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.