ಅಪ್ಪ–ಅಮ್ಮನಿಗಾಗಿ ಹಾಡಿದ ಸಲ್ಲು

ಬಾಲಿವುಡ್‌ ನಟ ಸಲ್ಮಾನ್ ಖಾನ್‌ಗೆ ನಟನೆಯಷ್ಟೇ ಅಲ್ಲ ಹಾಡುವುದೂ ಗೊತ್ತು!

ಇತ್ತೀಚೆಗೆ ಸಲ್ಮಾನ್ ಅವರ ಅಪ್ಪ–ಅಮ್ಮ ತಮ್ಮ 53ನೇ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡರು. ಅದೇ ದಿನ ಸಲ್ಲು ತಂಗಿ ಅರ್ಪಿತಾಳ ವಿವಾಹ ವಾರ್ಷಿಕೋತ್ಸವೂ ಇತ್ತು.

ಕುಟುಂಬದವರೆಲ್ಲಾ ಒಟ್ಟಾಗಿ ಸೇರಿ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾಗ ಸಲ್ಮಾನ್ ಮೈಕ್ ಕೈಗೆತ್ತಿಕೊಂಡು ಅಪ್ಪ–ಅಮ್ಮ ಮತ್ತು ತಂಗಿಗಾಗಿ ‘ಜಬ್ ಕೋಯಿ ಬಾತ್ ಬಿಗಡ್‌ ಜಾಯೇ’ ಹಾಡಿ ನೆರೆದವರನ್ನು ರಂಜಿಸಿದರಂತೆ. ಸಲ್ಲೂ ಹಾಡಿರುವ ವಿಡಿಯೊ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳ ಮೆಚ್ಚುಗೆಗೂ ಪಾತ್ರವಾಗಿದೆ.

ಅಂದಹಾಗೆ ಸಲ್ಲೂ ಜತೆ ಇತ್ತೀಚೆಗೆ ತಿರುಗಾಡುತ್ತಿರುವ ವಿದೇಶಿ ನಟಿ ಲೂಲಿಯಾ ವನ್ಚೂರ್ ಹಾಗೂ ಗರ್ಲ್ ಫ್ರೆಂಡ್ ಕತ್ರೀನಾ ಕೈಫ್ ಕೂಡಾ ಈ ಪಾರ್ಟಿಯಲ್ಲಿ ಹಾಜರಿದ್ದರು.