‘ಪದ್ಮಾವತ್’ ಚಿತ್ರದಲ್ಲಿ ಅಭೂತಪೂರ್ವವಾಗಿ ನಟಿಸಿದ ದೀಪಿಕಾ ಪಡುಕೋಣೆ ಕೆಲದಿನಗಳಿಂದ ಮನೆಯಲ್ಲಿ ಸಂಪೂರ್ಣ ವಿಶ್ರಾಂತಿ ಪಡೆಯುತ್ತಿದ್ದಾರೆ; ಅರ್ಥಾತ್, ಬೆಡ್ ರೆಸ್ಟ್ನಲ್ಲಿದ್ದಾರೆ!
ಸೋಂಕು ಜ್ವರ ಅಂದುಕೊಂಡಿರಾ? ಖಂಡಿತಾ ಅಲ್ಲ. ‘ಪದ್ಮಾವತ್’ ಚಿತ್ರದ ನಂತರ ಕಾಣಿಸಿಕೊಂಡಿರುವ ಭಾರಿ ಬೆನ್ನು ನೋವಿನ ಪರಿಣಾಮವಿದು. ಚಿತ್ರದಲ್ಲಿ ಯಾವುದೇ ದೈಹಿಕ ಕಸರತ್ತು ಇರದಿದ್ದರೂ ದೀಪಿಕಾಗೆ ಬೆನ್ನು ನೋವು ಹೇಗೆ ಕಾಣಿಸಿಕೊಂಡಿತು ಎಂದು ಯೋಚಿಸುತ್ತಿದ್ದೀರಾ?
ಭಾರಿ ತೂಕದ ಉಡುಗೆ ತೊಡುಗೆ ಧರಿಸಿ ದೀರ್ಘಾವಧಿ ಚಿತ್ರೀಕರಣದಲ್ಲಿ ಪಾಲ್ಗೊಂಡ ಪರಿಣಾಮವಾಗಿ ದೀಪಿಕಾ ಭಾರಿ ಬೆನ್ನು ನೋವಿನಿಂದ ಬಳಲುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ದೈನಂದಿನ ಚಟುವಟಿಕೆ ಹಾಗೂ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುವ ಆಸೆಯಿದ್ದರೆ ಕಟ್ಟುನಿಟ್ಟಿನ ವಿಶ್ರಾಂತಿ ಪಡೆಯಲೇಬೇಕು ಹಾಗೂ ಹೈಹೀಲ್ಸ್ ಚಪ್ಪಲಿ ಧರಿಸುವುದಾಗಲಿ, ಹೆಚ್ಚು ಹೊತ್ತು ನಿಲ್ಲುವುದಾಗಲಿ ಮಾಡಕೂಡದು ಎಂದು ವೈದ್ಯರು ತಾಕೀತು ಮಾಡಿರುವ ಕಾರಣ ದೀಪಿಕಾ ವಿಧಿಯಿಲ್ಲದೆ ಬೆನ್ನಿಗೆ ವಿಶ್ರಾಂತಿ ಕೊಡುತ್ತಿದ್ದಾರೆ.
ದೀಪಿಕಾ, ಬರೋಬ್ಬರಿ 30 ಕೆ.ಜಿ. ತೂಕದ ಒಂದೊಂದು ಲೆಹೆಂಗಾ ಮತ್ತು ಭಾರಿ ಒಡವೆಗಳನ್ನು ಧರಿಸಿ ದಿನಕ್ಕೆ 14ರಿಂದ 16 ಗಂಟೆ ‘ಪದ್ಮಾವತ್’ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿದ್ದುದನ್ನು ಇಲ್ಲಿ ಸ್ಮರಿಸಬಹುದು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.