ಅಬು ಸಲೇಂಗೆ ಒಲಿದ ಕಂಕಣ ಭಾಗ್ಯ

ಮುಂಬೈ (ಪಿಟಿಐ): ಜೈಲಿನಲ್ಲಿರುವ ಭೂಗತ ಪಾತಕಿ ಅಬು ಸಲೇಂ ಥಾಣೆ ಮೂಲದ ಯುವತಿಯನ್ನು ಮದುವೆಯಾಗುವುದಾಗಿ ತಿಳಿಸಿದ್ದಾರೆ.

ಥಾಣೆ ಮೂಲದ 25  ವರ್ಷದ ಯುವತಿಯೊಬ್ಬರು ಅಬು ಸಲೇಂನನ್ನು ಮದುವೆಯಾಗುವುದಾಗಿ ಟಾಡಾ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಒಂದು ವೇಳೆ ಮದುವೆಗೆ ಅವಕಾಶ ಕಲ್ಪಿಸದಿದ್ದಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಬೆದರಿಕೆ ಹಾಕಿದ್ದಾರೆ.

ಈ ಸಂಬಂಧ ಪ್ರತಿಕ್ರಿಯಿಸಿರುವ ಅಬು ಸಲೇಂ, ನಾನು ಆ ಯುವತಿಯನ್ನು ಮದುವೆಯಾಗಲು ಸಿದ್ಧ ಎಂದಿದ್ದಾರೆ. ಕಾನೂನಿನ ಪ್ರಕಾರ ವಿವಾಹವಾಗಿ ಆಕೆಯನ್ನು ಪತ್ನಿಯಾಗಿ ಸ್ವೀಕರಿಸಲಿದ್ದೇನೆ. ಆ ಯುವತಿಯ ಆಸೆ ಆಕಾಂಕ್ಷೆಗಳನ್ನು ನ್ಯಾಯಾಲಯ ಗೌರವಿಸಿ ವಿವಾಹವನ್ನು ನೇರವೆರಿಸಿಕೊಡಬೇಕು ಎಂದು ಅಬು ಸಲೇಂ ಕೋರಿದ್ದಾರೆ.

1993ರ ಮುಂಬೈ ಸರಣಿ ಬಾಂಬ್‌ ಸ್ಫೋಟ ಪ್ರಕರಣದಲ್ಲಿ ಅಬು ಸಲೇಂ ಜೈಲು ಸೇರಿದ್ದಾರೆ.