ಕಾರ್ಡಿನಲ್‌ ಲೂರ್ದುಸಾಮಿ ನಿಧನ

ಚೆನ್ನೈ (ಪಿಟಿಐ): ಪುದುಚೇರಿ ಮೂಲದ ಕಾರ್ಡಿನಲ್‌ ದೊರೈಸಾಮಿ ಸೈಮನ್‌ ಲೂರ್ದುಸಾಮಿ (90) ಅವರು ಸೋಮವಾರ ಬೆಳಿಗ್ಗೆ ರೋಮ್‌ನಲ್ಲಿ ಮೃತರಾದರು.

ಪಾರ್ಥಿವ ಶರೀರವನ್ನು ಚೆನ್ನೈಗೆ ತಂದು, ಅಲ್ಲಿಂದ ಪುದುಚೇರಿಗೆ ಕೊಂಡೊ­ಯ್ಯಲಾಗುವುದು. ಪುದುಚೇರಿ­­ಯಲ್ಲಿ ಮಂಗಳವಾರ ಅಂತ್ಯಸಂಸ್ಕಾರ ನಡೆಯುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

ಪುದುಚೇರಿಯಲ್ಲಿ, 1951ರಲ್ಲಿ ಪಾದ್ರಿಯಾಗಿ ತಮ್ಮ ಸೇವೆ ಆರಂಭಿಸಿದ ಅವರು 1985ರಲ್ಲಿ ಕಾರ್ಡಿನಲ್‌ ಪದವಿಗೇರಿದ್ದರು. ಲಿಬಿಯಾದಲ್ಲಿ ಟಿಟ್ಯುಲಾರ್‌ ಬಿಷಪ್‌ (ನಾಮಮಾತ್ರ ಬಿಷಪ್‌) ಆಗಿ ಸೇವೆ ಸಲ್ಲಿಸಿದ್ದ ಅವರು ಬೆಂಗಳೂರಿನ ಆರ್ಚ್‌ ಬಿಷಪ್‌ ಆಗಿಯೂ ಸೇವೆ ಸಲ್ಲಿಸಿದ್ದರು. ಭಾರತದಿಂದ ಕಾರ್ಡಿನಲ್‌ ಸ್ಥಾನಕ್ಕೇರಿದ ನಾಲ್ಕನೆಯವರಾಗಿದ್ದರು.