ಕ್ಯಾಂಪಾ ಕೋಲಾ ನಿವಾಸಿಗಳಿಗೆ ನೀರು, ವಿದ್ಯುತ್‌ ಸಂಪರ್ಕ ಕಡಿತ

ಮುಂಬೈ (ಪಿಟಿಐ): ಮೂರು ದಿನ ಕ್ಯಾಂಪಾ ಕೋಲಾ ನಿವಾಸಿಗಳ ಪ್ರತಿರೋಧ ಎದುರಿಸಿದ್ದ ಬೃಹತ್‌ ಮುಂಬೈ ಮಹಾನಗರ ಪಾಲಿಕೆ ಸಿಬ್ಬಂದಿ ಸೋಮವಾರ ನಿರಾಳವಾಗಿ  ವರ್ಲಿ ಪ್ರದೇಶದ ವಿವಾದಿತ ವಸತಿ ಸಂಕೀರ್ಣ ಪ್ರವೇಶಿಸಿದರು.

12 ತಂಡಗಳಲ್ಲಿ ಬಂದ ಪಾಲಿಕೆ ಸಿಬ್ಬಂದಿ ಸಂಜೆಯವರೆಗೂ ಕ್ಯಾಂಪಾ ಕೋಲಾದ 96  ಅಕ್ರಮ ಫ್ಲ್ಯಾಟ್‌ಗಳ ನೀರು, ವಿದ್ಯುತ್‌ ಹಾಗೂ ಅಡುಗೆ ಅನಿಲ ಸಂಪರ್ಕ ಕಡಿತಗೊಳಿಸುವ ಕಾರ್ಯದಲ್ಲಿ ನಿರತರಾಗಿದ್ದರು.

ಮುಖ್ಯಮಂತ್ರಿ ಪೃಥ್ವಿರಾಜ್‌ ಚವಾಣ್‌ ಭರವಸೆಯ ಹಿನ್ನೆಲೆಯಲ್ಲಿ  ವಸತಿ ಸಂಕೀರ್ಣ ನಿವಾಸಿಗಳು ಪಾಲಿಕೆ ಸಿಬ್ಬಂದಿಗೆ ಸಹಕಾರ ನೀಡಿದರು.

ಮೂರು ದಿನಗಳಿಂದ ಪಾಲಿಕೆ ಸಿಬ್ಬಂದಿ ಹಾಗೂ ನಿವಾಸಿಗಳ ಮಧ್ಯೆ ನಡೆಯುತ್ತಿದ್ದ ಸಂಘರ್ಷದಿಂದ ರಣರಂಗವಾಗಿದ್ದ  ವರ್ಲಿ ಪ್ರದೇಶ  ಸಹಜ ಸ್ಥಿತಿಗೆ ಮರಳಿದೆ.