ಚಳಿಗೆ ಐವರ ಸಾವು

ನವದೆಹಲಿ (ಪಿಟಿಐ): ಉತ್ತರ ಭಾರತದಲ್ಲಿ ಕುಳಿರ್ಗಾಳಿ ತೀವ್ರವಾ­ಗಿದ್ದು, ಮೈ ಕೊರೆಯುವ ಚಳಿಗೆ ಉತ್ತರ ಪ್ರದೇಶದಲ್ಲಿ ಐವರು ಸಾವನ್ನಪ್ಪಿದ್ದಾರೆ. ದಟ್ಟ ಮಂಜಿನ ಕಾರಣ  ರೈಲು ಮತ್ತು ರಸ್ತೆ ಸಂಚಾ­ರಕ್ಕೆ ಅಡಚಣೆಯಾಗಿದೆ.

ದೆಹಲಿಯಲ್ಲಿ ಕನಿಷ್ಠ ತಾಪಮಾನ 9 ಡಿಗ್ರಿ ಸೆಲ್ಸಿಯಸ್‌ಗೆ ಕುಸಿದಿದ್ದು, ಗರಿಷ್ಠ ತಾಪಮಾನ 19.3 ಡಿಗ್ರಿ ಸೆಲ್ಸಿಯಸ್‌ಗೆ ಸ್ಥಿರಗೊಂಡಿದೆ. ಮಂಗಳವಾರ ಬೆಳಿಗ್ಗೆ 8.30ಕ್ಕೆ ಅನ್ವಯವಾಗುವಂತೆ ಕಳೆದ 24 ತಾಸುಗಳಲ್ಲಿ 13.3 ಎಂ.ಎಂ. ಮಳೆ ಆಗಿದೆ.

ರಾಜಸ್ತಾನದ ಮೌಂಟ್‌ ಅಬುವಿನಲ್ಲಿ   ಅತ್ಯಂತ ಕಡಿಮೆ (0.4 ಡಿಗ್ರಿ ಸೆಲ್ಸಿಯಸ್‌) ತಾಪಮಾನ ದಾಖಲಾಗಿದೆ. ಇದರಿಂದ ನಕ್ಕಿ ಸರೋವರದ ನೀರು ಹೆಪ್ಪುಗಟ್ಟಿ ಮಂಜುಗಡ್ಡೆಯಾಗಿದೆ.