ನ. 25ಕ್ಕೆ ಕಾಶ್ಮೀರ, ಜಾರ್ಖಂಡ್‌ ವಿಧಾನಸಭೆ ಚುನಾವಣೆ

ನವದೆಹಲಿ (ಡಿಎಚ್‌ಎನ್‌ಎಸ್‌):ಜಮ್ಮು ಮತ್ತು ಕಾಶ್ಮೀರ  ವಿಧಾನಸಭೆಯ 87 ಹಾಗೂ ಜಾರ್ಖಂಡ್‌ ವಿಧಾನಸಭೆಯ 81 ಸ್ಥಾನಗಳಿಗೆ ನವೆಂಬರ್‌ 25 ರಂದು ಚುನಾವಣೆ ನಡೆಯಲಿದ್ದು, ಡಿಸೆಂಬರ್‌ 23ರಂದು ಮತ ಎಣಿಕೆ ನಡೆಯಲಿದೆ ಎಂದು ಕೇಂದ್ರ ಚುನಾವಣಾ ಆಯೋಗ ಶನಿವಾರ ಪ್ರಕಟಿಸಿದೆ.

ಎರಡು ರಾಜ್ಯಗಳಲ್ಲಿ ಐದು ಹಂತಗಳಲ್ಲಿ ಚುನಾವಣೆ ನಡೆಯಲಿದೆ ಎಂದು ಆಯೋಗ ಪ್ರಕಟಿಸಿದೆ. ಭದ್ರತೆ ದೃಷ್ಠಿಯಿಂದ ಐದು ಹಂತಗಳಲ್ಲಿ ಚುನಾವಣೆ ನಡೆಸಲು ಆಯೋಗ ನಿರ್ಧರಿಸಿದೆ. ಚುನಾವಣೆಯು ಡಿಸೆಂಬರ್‌ 20ರವರೆಗೆ ನಡೆಯಲಿದೆ.

ಕಾಶ್ಮೀರ ವಿಧಾನಸಭೆಯು ಜನವರಿ 19ಕ್ಕೆ ಹಾಗೂ ಜಾರ್ಖಂಡ್‌ ವಿಧಾನಸಭೆಯ ಅವಧಿ ಜನವರಿ 3ಕ್ಕೆ ಕೊನೆಗೊಳ್ಳಲಿದೆ.