ಮೃಣಾಲಿನಿ ಸಾರಾಬಾಯ್‌ ಇನ್ನಿಲ್ಲ

ನವದೆಹಲಿ (ಏಜೆನ್ಸೀಸ್‌): ಹಿರಿಯ ಶಾಸ್ತ್ರೀಯ ನೃತ್ಯ ಕಲಾವಿದೆ ಮೃಣಾಲಿನಿ ಸಾರಾಬಾಯ್‌ (97) ಗುರುವಾರ ಕೊನೆಯುಸಿರೆಳೆದರು.

ವಯೋಸಹಜ ಅನಾರೋಗ್ಯದಿಂದ ಅವರು ಬಳಲುತ್ತಿದ್ದರು. ಕೆಲ ದಿನಗಳ ಹಿಂದೆ ಅಹಮದಾಬಾದ್‌ನ ಖಾಸಗಿ ಆಸ್ಪತ್ರೆಯಲ್ಲಿ ಅವರು ಚಿಕಿತ್ಸೆ ಪಡೆದಿದ್ದರು.

ವಿಜ್ಞಾನಿ ವಿಕ್ರಮ್‌ ಸಾರಾಬಾಯ್‌ ಅವರನ್ನು ಮೃಣಾಲಿನಿ ವಿವಾಹವಾಗಿದ್ದರು. ಅವರಿಗೆ ಇಬ್ಬರು ಮಕ್ಕಳಿದ್ದಾರೆ.

ಮೃಣಾಲಿನಿ ಅವರು ದರ್ಪಣಾ ನೃತ್ಯ ಶಾಲೆಯ ಮೂಲಕ ಸಾವಿರಾರು ಶಿಷ್ಯರಿಗೆ ಭರತನಾಟ್ಯ ಹಾಗೂ ಕಥಕ್‌ ನೃತ್ಯ ಕಲಿಸಿದ್ದಾರೆ.