ಷಹನವಾಜ್‌ಗೆ ಬೆದರಿಕೆ ಕರೆ

ನವದೆಹಲಿ (ಪಿಟಿಐ): ಶನಿವಾರ ರಾತ್ರಿ ತಮಗೆ ಬೆದರಿಕೆ ಕರೆ ಬಂದಿರುವುದಾಗಿ  ಬಿಜೆಪಿ ವಕ್ತಾರ ಷಹನವಾಜ್‌ ಹುಸೇನ್‌ ಹೇಳಿದ್ದಾರೆ.  ಈ ಬಗ್ಗೆ ಅವರು ಇಲ್ಲಿನ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಪಟ್ನಾದಿಂದ ರಾತ್ರಿ 11.30ಕ್ಕೆ ದೆಹಲಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿ ಮನೆಗೆ ತೆರಳುತ್ತಿದ್ದ ವೇಳೆ ದುಬೈ ಸಂಖ್ಯೆಯಿಂದ ಎರಡು ಬೆದರಿಕೆ ಕರೆಗಳು ಬಂದವು ಎಂದು ದೂರಿನಲ್ಲಿ ಅವರು ತಿಳಿಸಿದ್ದಾರೆ.

ಸರ್ಕಾರದ ಪರ ಮಾಧ್ಯಮ ಚರ್ಚೆಯಲ್ಲಿ ಮಾತನಾಡಿದ್ದರ ಕುರಿತು ಪ್ರಶ್ನಿಸಿದ ವ್ಯಕ್ತಿ ಕೂಡಲೇ ಸರ್ಕಾರವನ್ನು ತೊರೆಯಬೇಕು ಇಲ್ಲದಿದ್ದರೆ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಬೆದರಿಕೆ ಹಾಕಿದ. ಮೋದಿ ಅವರು ಸಹ ತಮ್ಮನ್ನು ಕಾಪಾಡಲು ಸಾಧ್ಯವಿಲ್ಲ ಎಂದೂ ಹೇಳಿದ ಎಂದು ದೂರಿನಲ್ಲಿ ಹೇಳಲಾಗಿದೆ.