‘ಉತ್ತರ ಪ್ರದೇಶದಿಂದ ಮೇವು’

ತುಮಕೂರು: ‘ಉತ್ತರ ಪ್ರದೇಶದಿಂದ ರೈಲಿನಲ್ಲಿ ಮೇವು ತರಿಸಲು ಸರ್ಕಾರ ಚಿಂತನೆ ನಡೆಸುತ್ತಿದೆ’ ಎಂದು ಕಾನೂನು ಸಚಿವ ಟಿ.ಬಿ.ಜಯಚಂದ್ರ ಹೇಳಿದರು.

‘ರಾಜ್ಯದಲ್ಲಿ ಜಾನುವಾರು ಮೇವಿನ ಲಭ್ಯತೆ ಕಡಿಮೆಯಾಗಿದೆ. ಈಗಿರುವ ಮೇವು ತಿಂಗಳಿಗಾಗುವಷ್ಟಿದೆ. ಮುಂದೆ ಎದುರಾಗುವ ಗಂಭೀರ ಪರಿಸ್ಥಿತಿ ಅರಿತು ಸರ್ಕಾರ ಬೇರೆ ಕಡೆಗಳಿಂದ ಮೇವು ಖರೀದಿಗೆ ಮುಂದಾಗಿದೆ. ಉತ್ತರಪ್ರದೇಶ, ರಾಜಸ್ತಾನ ಸೇರಿದಂತೆ ಹಲವು ರಾಜ್ಯಗಳಿಂದ ಮೇವನ್ನು ತರಿಸಲು ಚಿಂತನೆ ನಡೆಸಲಾಗಿದೆ’ ಎಂದು ಸುದ್ದಿಗಾರರಿಗೆ ತಿಳಿಸಿದರು.