‘ಧ್ವಜ ಹಾರಿಸಲು ನಿರ್ಬಂಧವಿಲ್ಲ’

ಬೆಂಗಳೂರು: ಮನೆಗಳು ಮತ್ತು ಕಟ್ಟಡಗಳ ಮೇಲೆ ಯಾವುದೇ ಧ್ವಜ ಹಾರಿಸಬಹುದು. ಯಾವುದೇ ಪಕ್ಷಗಳ ಬಾವುಟ ಹಾರಿಸಲು ನಿರ್ಬಂಧವಿಲ್ಲ ಎಂದು ಮುಖ್ಯ ಚುನಾವಣಾಧಿಕಾರಿ ಸಂಜೀವ್ ಕುಮಾರ್ ತಿಳಿಸಿದ್ದಾರೆ.

ಒಂದು ಕಟ್ಟಡದ ಮೇಲೆ ನಾಲ್ಕು ಬಾವುಟಗಳನ್ನು ಹಾರಿಸಬಹುದು. ಇದನ್ನು ಚುನಾವಣಾ ವೆಚ್ಚಕ್ಕೆ ಸೇರಿಸುವುದಿಲ್ಲ ಎಂದು ಅವರು ಮಾಧ್ಯಮಗೋಷ್ಠಿಯಲ್ಲಿ ತಿಳಿಸಿದರು.

ರಾಜಕೀಯ ಪಕ್ಷಗಳು ಕಚೇರಿಯಲ್ಲಿ ಆಹಾರ ನೀಡಬಹುದು. ಆದರೆ, ಮತದಾರಿಗೆ ಆಮಿಷ ಒಡ್ಡಲು ಆಹಾರ ವಿತರಿಸುವಂತಿಲ್ಲ ಎಂದೂ ಅವರು ಹೇಳಿದರು.