ಸರ್ಕಾರಿ ನೌಕರಿ ಮಹಿಳಾ ಮೀಸಲು ಶೇ 33ಕ್ಕೆ ಏರಿಕೆ

ಬೆಂಗಳೂರು: ಸರ್ಕಾರಿ ಉದ್ಯೋಗದಲ್ಲಿ ಇನ್ನು ಮಹಿಳೆಯರಿಗೆ ಶೇಕಡಾ 30ರ ಬದಲು ಶೇ 33ರಷ್ಟು ಮೀಸಲಾತಿ ಸಿಗಲಿದೆ.

ಈ ಬಗ್ಗೆ ವಿಧಾನ ಮಂಡಲದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಮಿತಿಯು ಶಿಫಾರಸ್ಸು ಮಾಡಿತ್ತು. ಇದರ ಆಧಾರದಲ್ಲಿ ಮೀಸಲಾತಿ ಪ್ರಮಾಣ ಹೆಚ್ಚಿಸುವ ಕುರಿತ ಕರಡು ನಿಯಮವನ್ನು ಸೆ.14ರಂದು ರಾಜ್ಯಪತ್ರದಲ್ಲಿ ಪ್ರಕಟಿಸಲಾಗಿತ್ತು.

‘ಸಾರ್ವಜನಿಕರಿಂದ ಯಾವುದೇ ಆಕ್ಷೇಪ ಬಂದಿಲ್ಲ. ಹಾಗಾಗಿ ರಾಜ್ಯಪತ್ರದಲ್ಲಿ ಪ್ರಕಟಿಸಿರುವ ಕರಡು ನಿಯಮಗಳೇ ಅನುಷ್ಠಾನಗೊಳ್ಳಲಿವೆ’ ಎಂದು ಸಮಿತಿ ಅಧ್ಯಕ್ಷ ಮಾಲೀಕಯ್ಯ ವಿ. ಗುತ್ತೇದಾರ ತಿಳಿಸಿದರು.