12 ಕಡೆ ಡ್ರಗ್ಸ್‌ ಮಾರಾಟ

ಬೆಂಗಳೂರು: ವಿಠಲ ಮಲ್ಯ ರಸ್ತೆಯ 12 ಸ್ಥಳಗಳಲ್ಲಿ ಡ್ರಗ್ಸ್‌ ಮಾರಾಟ ನಡೆಯುತ್ತಿದೆ. ಇಚ್ಛಾಶಕ್ತಿ ಇದ್ದರೆ ಇದನ್ನು 24 ಗಂಟೆಗಳಲ್ಲಿ ನಿಲ್ಲಿಸಬಹುದು ಎಂದು ಬಿಜೆಪಿಯ ಲೆಹರ್ ಸಿಂಗ್‌ ಹೇಳಿದರು.

ರಾಜ್ಯದ ಕಾನೂನು–ಸುವ್ಯವಸ್ಥೆ ಬಗ್ಗೆ ವಿಧಾನ ಪರಿಷತ್ತಿನಲ್ಲಿ ಮಾತನಾಡಿದ ಅವರು, ‘ಪೊಲೀಸ್‌ ಠಾಣೆಗಳಿಂದ ಹಫ್ತಾ ವಸೂಲಿ ಆಗುವುದು ಹಿಂದಿನಿಂದಲೂ ಇದೆ. ಇದನ್ನು ತಡೆಯುವಲ್ಲಿ ಗೃಹ ಸಚಿವರೂ ಅಸಹಾಯಕರು’ ಎಂದರು.

ಮಹಿಳೆಯರ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸುವ, ಅತ್ಯಾಚಾರ ಎಸಗುವವರ ಸಂತಾನಶಕ್ತಿ ಹರಣ ಮಾಡುವ ಶಿಕ್ಷೆ ವಿಧಿಸುವಂತಹ ಕಾನೂನು ಜಾರಿಗೆ ರಾಜ್ಯದಲ್ಲಿ ಪ್ರಯತ್ನ ನಡೆಯಬೇಕು ಎಂದು ಕಾಂಗ್ರೆಸ್ಸಿನ ಮೋಟಮ್ಮ ಆಗ್ರಹಿಸಿದರು.