ಜಿಮ್‌ನಲ್ಲಿ ಮಹಿಳೆ ಪ್ರಾಧಿಕಾರ ಗರಂ

ರಿಯಾದ್‌: ಇಲ್ಲಿಯ ಜಿಮ್‌ ಒಂದರಲ್ಲಿ ‘ಮಹಿಳೆಯೊಬ್ಬರು ತಲೆಗವಸು ಧರಿಸದೇ, ಬಿಗಿ ಉಡುಪು ಧರಿಸಿ, ಪಂಚಿಂಗ್‌ ಬ್ಯಾಗ್‌ಗೆ ಗುದ್ದುತ್ತಿರುವ ವಿಡಿಯೊವೊಂದು ವೈರಲ್‌ ಆಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದ ವಿಡಿಯೊ ನೋಡಿದ ಸೌದಿ ಅರೇಬಿಯಾದ ಕ್ರೀಡಾಪ್ರಾಧಿಕಾರ ಗರಂ ಆಗಿದ್ದು ಫಿಟ್‌ನೆಸ್‌ ಕೇಂದ್ರವನ್ನೇ ಮುಚ್ಚಿಸಿದೆ!

‘ಇಂತಹ ನಡೆಯನ್ನು ಸಹಿಸಲು ಸಾಧ್ಯವಿಲ್ಲ’ ಎಂದು ಟ್ವೀಟ್‌ ಮಾಡಿರುವ ಪ್ರಾಧಿಕಾರದ ಮುಖ್ಯಸ್ಥ ಟುರ್ಕಿ ಶೇಖ್‌, ಕೇಂದ್ರದ ಪರವಾನಗಿಯನ್ನು ತಕ್ಷಣಕ್ಕೆ ಹಿಂದಕ್ಕೆ ಪಡೆಯುವಂತೆ ಸೂಚಿಸಿದ್ದಾರೆ.

ಇಲ್ಲಿಯ ಕಾನೂನಿನ ಪ್ರಕಾರ, ಮಹಿಳೆಯರು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವಾಗ ತಲೆಗವಸು, ಬುರ್ಖಾ ಧರಿಸಿರಲೇಬೇಕು.