ಜಿಂಡೊ (ಎಎಫ್ಪಿ): ದಕ್ಷಿಣ ಕೊರಿಯಾದ ಜಿಂಡೊ ದ್ವೀಪದ ಬಳಿ ಸಂಭವಿಸಿದ ದೋಣಿ ದುರಂತದಲ್ಲಿ ಮೃತಪಟ್ಟವರ ಸಂಖ್ಯೆ ಮಂಗಳವಾರ ನೂರರ ಗಡಿ ದಾಟಿದೆ.
ಅಧಿಕೃತ ಮಾಹಿತಿ ಪ್ರಕಾರ 120ಕ್ಕೂ ಅಧಿಕ ಪ್ರಯಾಣಿಕರು ಸಾವನ್ನಪ್ಪಿದ್ದು, 194 ಮಂದಿ ನಾಪತ್ತೆಯಾಗಿದ್ದಾರೆ.
ದೋಣಿಯಲ್ಲಿದ್ದ ಪ್ರಯಾಣಿಕರ ಸಂಬಂಧಿಗಳಿಂದ ಒತ್ತಡ ಹೆಚ್ಚಿದ ನಂತರ ಮುಳುಗು ತಜ್ಞರು ಮೃತದೇಹ ಪತ್ತೆ ಹಚ್ಚುವ ಕಾರ್ಯ ತೀವ್ರ ಗೊಳಿಸಿದ್ದಾರೆ.
ಕಡಲ್ಗಾವಲು ಪಡೆಯ ನಿಧಾನ ಗತಿಯ ಕಾರ್ಯಾಚರಣೆಯನ್ನು ಪ್ರಧಾನಿ ಸೇರಿದಂತೆ ಹಿರಿಯ ರಾಜಕೀಯ ನಾಯಕರು ಟೀಕಿಸಿದ್ದಾರೆ.
ಮುಳುಗು ತಜ್ಞರು ಕತ್ತಲು ಆವರಿಸಿದ ದೋಣಿ ಕ್ಯಾಬಿನ್ ಮತ್ತು ಕಾರಿಡಾರ್ನಲ್ಲಿ ಶೋಧ ಕಾರ್ಯ ನಡೆಸಬೇಕಾಗಿದೆ.
ದೋಣಿ ಅಪಾಯದಲ್ಲಿದ್ದರೂ ಕ್ಯಾಪ್ಟನ್ ಪ್ರಯಾಣಿಕರಿಗೆ ಸರಿಯಾದ ಸೂಚನೆ ನೀಡದೇ ಇರುವುದರಿಂದ ಮೃತಪಟ್ಟವರ ಸಂಖ್ಯೆ ಹೆಚ್ಚಲು ಕಾರಣ. ದೋಣಿ ತೊರೆಯಿರಿ ಎನ್ನುವ ಸಂದೇಶ ಬಂದಾಗ ಪ್ರಯಾಣಿಕರು ದೋಣಿ ತೊರೆಯುವುದು ಅಸಾಧ್ಯವಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.