ನಿರ್ಬಂಧ: ವಿಶ್ವಸಂಸ್ಥೆ ನಿಲುವು ಖಂಡಿಸಿದ ಉತ್ತರ ಕೊರಿಯಾ

ಪ್ಯಾಂಗ್‌ಯಾಂಗ್‌ : ಜಾಗತಿಕ ವಿರೋಧದ ಹೊರತಾಗಿಯೂ ಕ್ಷಿಪಣಿ ಹಾಗೂ ಪರಮಾಣು ಪರೀಕ್ಷೆ ನಡೆಸಿರುವ ಉತ್ತರ ಕೊರಿಯಾದ ಮೇಲೆ ನಿರ್ಬಂಧ ಹೇರಲು ಮುಂದಾಗಿರುವ ವಿಶ್ವಸಂಸ್ಥೆಯ ಕ್ರಮವನ್ನು ಉತ್ತರ ಕೊರಿಯಾದ ಅಧಿಕಾರಿಗಳು ಖಂಡಿಸಿದ್ದಾರೆ.

ಪರಮಾಣು ಮತ್ತು ಕ್ಷಿಪಣಿ ಪರೀಕ್ಷೆಗಳನ್ನೇ ಗುರಿ ಮಾಡಿಕೊಂಡು ಈ ರೀತಿ ನಿರ್ಬಂಧ ಹೇರಲು ಮುಂದಾಗುವುದು ‘ಅಪರಾಧದ ದಾಖಲೆಗಳು’ ಎಂದು ಅಧಿಕಾರಿಗಳು ಅಸೋಸಿಯೇಟೆಡ್‌ ಪ್ರೆಸ್‌ ಮಾಧ್ಯಮಕ್ಕೆ ತಿಳಿಸಿದ್ದಾರೆ.