ಭಾರತೀಯ ಸೇನೆ ಎದುರಿಸಲು ಅಣ್ವಸ್ತ್ರ ಬಳಕೆ: ಅಬ್ಬಾಸಿ ಎಚ್ಚರಿಕೆ

ನ್ಯೂಯಾರ್ಕ್‌ : ಪಾಕಿಸ್ತಾನವು ಕಡಿಮೆ ಅಂತರದ ಅಣ್ವಸ್ತ್ರಗಳನ್ನು ಹೊಂದಿದೆ. ಭಾರತದ ಸೇನೆಗೆ ದಿಟ್ಟ ಉತ್ತರ ನೀಡಲು ಅಗತ್ಯವಾದರೆ ಇದನ್ನು ಬಳಸಲಾಗುವುದು ಎಂದು ಪಾಕಿಸ್ತಾನದ ಪ್ರಧಾನಿ ಶಾಹಿದ್‌ ಖಾನ್‌ ಅಬ್ಬಾಸಿ  ಎಚ್ಚರಿಕೆ ನೀಡಿದ್ದಾರೆ.

ಅಮೆರಿಕಕ್ಕೆ ಚೊಚ್ಚಲ ಪ್ರವಾಸ ಕೈಗೊಂಡಿರುವ ಅವರು ಪಾಕಿಸ್ತಾನದ ಶಸ್ತ್ರಾಗಾರವನ್ನು ಸಂರಕ್ಷಿಸಲಾಗಿದೆ ಎಂದಿದ್ದಾರೆ.

‘ಜಾಗತಿಕವಾಗಿ ಪಾಕಿಸ್ತಾನವೂ ಅತ್ಯಂತ ವೇಗವಾಗಿ ಪರಮಾಣು ಶಸ್ತ್ರಾಸ್ತ್ರ ಹೊಂದುತ್ತಿರುವ ರಾಷ್ಟ್ರವಾಗಿದೆ. ಭಾರತದ ಸೇನೆಯನ್ನು ನಾಶಪಡಿಸುವ ಅಲ್ಪಶ್ರೇಣಿಯ ಶಸ್ತ್ರಾಸ್ತ್ರಗಳಿವೆ. ಅಗತ್ಯಬಿದ್ದರೆ ಅದನ್ನು ಬಳಸಲು ಹಿಂಜರಿಯುವುದಿಲ್ಲ. ಭಾರತ ಆರಂಭಿಸಿರುವ ಶೀತಲಯುದ್ಧಕ್ಕೆ ಪ್ರತಿಯಾಗಿ, ನಮ್ಮ ಸುರಕ್ಷತೆಗಾಗಿ ಅಣ್ವಸ್ತ್ರಗಳನ್ನು ಸಂಗ್ರಹಿಸುತ್ತಿದ್ದೇವೆ’ ಎಂದು ಅವರು ತಿಳಿಸಿದ್ದಾರೆ.