ಹೆಸರಾಂತ ಹಾಸ್ಯಕಲಾವಿದ ಲೂಯಿಸ್‌ ನಿಧನ

ವಾಷಿಂಗ್ಟನ್‌: ಅಮೆರಿಕದ ಹೆಸರಾಂತ ಹಾಸ್ಯನಟ ಜೆರ‍್ರಿ ಲೂಯಿಸ್‌ (91) ಲಾಸ್‌ವೆಗಾಸ್‌ನಲ್ಲಿ ಸೋಮವಾರ ಬೆಳಿಗ್ಗೆ ನಿಧನರಾದರು.

1950 ಮತ್ತು 60ರ ದಶಕದ ಹೆಸರಾಂತ ಹಾಸ್ಯ ನಟರ ಪೈಕಿ ಲೂಯಿಸ್‌ ಅವರು ಪ್ರಮುಖರು. ನಟನಾಗಿ ಅಷ್ಟೆ ಅಲ್ಲದೇ ಬರಹಗಾರ, ಸಮಾಜಸೇವಕರಾಗಿಯೂ ಗುರುತಿಸಿಕೊಂಡಿದ್ದರು.

ದೇಶ, ವಿದೇಶಗಳ ಹಲವು ಗೌರವಗಳಿಗೆ ಲೂಯಿಸ್‌ ಪಾತ್ರರಾಗಿದ್ದು, 1977ರಲ್ಲಿ ನೊಬೆಲ್‌ ಶಾಂತಿ ಪ್ರಶಸ್ತಿಗೂ ಇವರ ಹೆಸರು ನಾಮನಿರ್ದೇಶನಗೊಂಡಿತ್ತು.