ನೈಜೀರಿಯಾ: ಸಲಿಂಗ ವಿವಾಹದ ವೇಳೆ 67 ಮಂದಿ ಬಂಧನ

ಅಬುಜಾ: ‘ಕಾನೂನು ವಿರೋಧಿಯಾದ ಸಲಿಂಗ ವಿವಾಹ ಆಚರಣೆಯಲ್ಲಿ ಭಾಗಿಯಾಗಿದ್ದ 67 ಮಂದಿಯನ್ನು ಬಂಧಿಸಲಾಗಿದೆ’ ಎಂದು ನೈಜೀರಿಯಾ ಪೊಲೀಸರು ಮಂಗಳವಾರ ಹೇಳಿದ್ದಾರೆ.

‘ದಕ್ಷಿಣ ಡೆಲ್ಟಾ ರಾಜ್ಯದ ಎಕ್ಪಾನ್ ಪಟ್ಟಣದಲ್ಲಿ ಸಲಿಂಗ ವಿವಾಹದಲ್ಲಿ ಭಾಗಿಯಾಗಿದ್ದ ‘ಶಂಕಿತ ಸಲಿಂಗಿಗಳನ್ನು’ ಸೋಮವಾರ ಸುಮಾರು 2 ಗಂಟೆಗೆ ಬಂಧಿಸಲಾಯಿತು. ಬಂಧಿತರ ಪೈಕಿ ಇಬ್ಬರು ವಿವಾಹವಾಗಿದ್ದಾರೆ’ ಎಂದು ರಾಜ್ಯ ಪೊಲೀಸ್ ವಕ್ತಾರ ಬ್ರೈಟ್ ಎಡಾಫೆ ಸುದ್ದಿಗಾರರಿಗೆ ತಿಳಿಸಿದರು.

ಆಫ್ರಿಕಾದಲ್ಲಿ ಸಲಿಂಗ ವಿವಾಹವು ಕಾನೂನುಬಾಹಿರವಾಗಿದೆ.  ಸಲಿಂಗ ವಿವಾಹ ತಡೆ ಕಾಯ್ದೆಯನ್ನು ರೂಪಿಸಲಾಗಿದ್ದು, ಸಲಿಂಗಿಗಳಿಗೆ 10 ವರ್ಷದವರೆಗೂ ಶಿಕ್ಷೆ ವಿಧಿಸಬಹುದಾಗಿದೆ.