ಭತ್ಯೆ ವಿಳಂಬ ಸಲ್ಲದು

ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯ ಮೌಲ್ಯಮಾಪನ ಕಾರ್ಯ ಮುಗಿದು ಒಂದು ವಾರ ಕಳೆದರೂ ಇನ್ನೂ ಮೌಲ್ಯಮಾಪಕರಿಗೆ ಬರಬೇಕಾದ ಭತ್ಯೆ ಬಂದಿಲ್ಲ. ಪ್ರತಿ ವರ್ಷ ಕೊನೆಯ ದಿನದಂದೆ ಚೆಕ್‌ ವಿತರಿಸುತ್ತಿದ್ದರು. ಈ ವರ್ಷ ನೇರವಾಗಿ ಅವರ ಬ್ಯಾಂಕ್‌ ಖಾತೆಗೆ ಹಣ ವರ್ಗಾಯಿಸಲಾಗುವುದು ಎಂದು ಖಾತೆ ಸಂಖ್ಯೆ ಪಡೆದಿದ್ದಾರೆ.

ಯಾವಾಗ ಹಣ ಬರುವುದೋ ಎಂಬ ಚಿಂತೆ ಅನುದಾನ ರಹಿತ, ಅನುದಾನಿತ ಶಾಲೆಯ ಶಿಕ್ಷಕರದ್ದಾಗಿದೆ.  ಅವರ ವೇತನವೂ ತಿಂಗಳಿಗೆ ಸರಿಯಾಗಿ ಆಗುವುದಿಲ್ಲ. ಈ ಹಣ ಬರುವುದೂ ವಿಳಂಬವಾಗಿದೆ. ಪ್ರೌಢ ಶಿಕ್ಷಣ ಮಂಡಳಿ ಶಿಕ್ಷಕರ ಜೀವನದ ಜೊತೆ ಚೆಲ್ಲಾಟವಾಡುವುದನ್ನು ಬಿಡಲಿ.