ಭಾರತದಲ್ಲಿ ತನ್ನ ಮಾರಾಟವನ್ನು ಇನ್ನಷ್ಟು ಹೆಚ್ಚಿಸುವ, ಇಲ್ಲಿನ ವಾಹನ ಮಾರುಕಟ್ಟೆಯಲ್ಲಿ ತನ್ನದೇ ಹೊಸ ಛಾಪು ಮೂಡಿಸುವ ಉದ್ದೇಶದೊಂದಿಗೆ ರೆನೊ ಎರಡು ಹೊಸ ಮಾದರಿಗಳನ್ನು ಹೊರತರುವ ಸಿದ್ಧತೆಯಲ್ಲಿದೆ.
ಭಾರತದ ರಸ್ತೆಗೆ ತಕ್ಕಂತೆ ಹಾಗೂ ಇಲ್ಲಿನ ಗ್ರಾಹಕರ ಅವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ಹೊಸ ಮಾದರಿಗಳನ್ನು ಹೊರತರುವ ಆಲೋಚನೆ ಮಾಡಿದೆಯಂತೆ.
ಏಳು ಸೀಟ್ಗಳ ಕ್ವಿಡ್ ಹಾಗೂ ಮತ್ತೊಂದು ಹೊಸ ಮಾದರಿಯ ಕಾರನ್ನು ಅಭಿವೃದ್ಧಿ ಪಡಿಸುತ್ತಿದ್ದು ಇವೆರಡನ್ನೂ ಸಿಎಂಎಫ್ ಎ ಪ್ಲಸ್ ಪ್ಲಾಟ್ಫಾರ್ಮ್ ಮೇಲೆ ವಿನ್ಯಾಸಗೊಳಿಸಿರುವುದು ವಿಶೇಷ. ಏಳು ಸೀಟರ್ ಕ್ವಿಡ್ ಅನ್ನು ಮೊದಲ ಬಾರಿ ಕಾರು ಖರೀದಿಸುವವರನ್ನು ಹಾಗೂ ಉತ್ತಮ ಪ್ಯಾಸೆಂಜರ್ ವಾಹನ ಎದುರು ನೋಡುತ್ತಿರುವವನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದೆ. ಇದು ಈಗಾಗಲೇ ಅಭಿವೃದ್ಧಿ ಹಂತದಲ್ಲಿದೆ.
ಸಿಎಂಎಫ್ ಎ ಪ್ಲಸ್ ಪ್ಲಾಟ್ಫಾರ್ಮ್ ಅನ್ನು ಬಹೂಪಯೋಗಿ ಉದ್ದೇಶಗಳೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ. ಕಾರಿನ ಕಾರ್ಯಕ್ಷಮತೆ ಹೆಚ್ಚಿಸಲು ಇದು ನೆರವಾಗಲಿದೆ ಎಂದು ಹೇಳಿಕೊಂಡಿದ್ದಾರೆ ರೆನೊದ ಅಲಯನ್ಸ್ ವ್ಯವಸ್ಥಾಪಕ ನಿರ್ದೇಶಕ ಡೆಟೌರ್ಬೆಟ್.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.