ಪದ್ಮ ಭೂಷಣ ಪುರಸ್ಕಾರಕ್ಕೆ ಎಂ.ಎಸ್‌. ದೋನಿ ಹೆಸರು ಶಿಫಾರಸು ಮಾಡಿದ ಬಿಸಿಸಿಐ

ನವದೆಹಲಿ: ಕ್ರಿಕೆಟಿಗ ಮಹೇಂದ್ರ ಸಿಂಗ್‌ ದೋನಿ ಅವರ ಹೆಸರನ್ನು ಬಿಸಿಸಿಐ ಪದ್ಮ ಭೂಷಣ ಪುರಸ್ಕಾರಕ್ಕೆ ಶಿಫಾರಸು ಮಾಡಿದೆ.

ಕ್ರೀಡಾ ಕ್ಷೇತ್ರದಲ್ಲಿ ದೋನಿ ಸಾಧನೆಯನ್ನು ಪದ್ಮ ಭೂಷಣ ಪುರಸ್ಕಾರಕ್ಕೆ ಪರಿಗಣಿಸುವಂತೆ ಬಿಸಿಸಿಐ ಶಿಫಾರಸಿನಲ್ಲಿ ಮನವಿ ಮಾಡಿದೆ.

‘ಬಿಸಿಸಿಐನ ಸದಸ್ಯರೆಲ್ಲರೂ ಈ ಶಿಫಾರಸಿಗೆ ಒಮ್ಮತ ಸೂಚಿಸಿದ್ದಾರೆ. ಪದ್ಮ ಭೂಷಣ ಪುರಸ್ಕಾರಕ್ಕೆ ದೋನಿ ಅರ್ಹ ವ್ಯಕ್ತಿಯಾಗಿದ್ದಾರೆ’ ಎಂದು ಬಿಸಿಸಿಐನ ಹಂಗಾಮಿ ಅಧ್ಯಕ್ಷ ಸಿ.ಕೆ. ಖನ್ನಾ ತಿಳಿಸಿದ್ದಾರೆ.