ಮತ್ತೆ ಬಂದ ನೋಕಿಯಾ 3310!

ಬೆಂಗಳೂರು: ದಶಕದ ಹಿಂದೆ ಮಾರುಕಟ್ಟೆಯಲ್ಲಿದ್ದ, ಅತ್ಯಂತ ಜನಪ್ರಿಯ ಮೊಬೈಲ್‌ ಫೋನ್‌ಗಳಲ್ಲಿ ಒಂದಾಗಿದ್ದ ‘ನೋಕಿಯಾ 3310’ ಮಾರುಕಟ್ಟೆಗೆ ಬರಲಿದೆ.

ಬಾರ್ಸಿಲೋನಾದಲ್ಲಿ ನಡೆಯುತ್ತಿರುವ ಮೊಬೈಲ್‌ ವರ್ಲ್ಡ್‌ ಸಮಾವೇಶದಲ್ಲಿ ಎಚ್‌ಎಂಡಿ ಗ್ಲೋಬಲ್ ಕಂಪೆನಿ (ನೋಕಿಯಾ ಬ್ರ್ಯಾಂಡ್‌ ಅಡಿ ಮೊಬೈಲ್‌ ಫೋನ್‌ ಮಾರಾಟ ಮಾಡುವ ಹಕ್ಕು ಪಡೆದಿರುವ ಕಂಪೆನಿ) ನೋಕಿಯಾ 3310 ಫೋನ್‌ಅನ್ನು ಅನಾವರಣಗೊಳಿಸಿದೆ.

ಇದರ ಬೆಲೆ 49 ಯೂರೊ (ಅಂದಾಜು  ₹3,448) ಎಂದು ಕಂಪೆನಿ ವೆಬ್‌ಸೈಟ್‌ನಲ್ಲಿ ತಿಳಿಸಲಾಗಿದೆ. ಆದರೆ ಭಾರತದ ಮಾರುಕಟ್ಟೆಯನ್ನು ಇದು ಯಾವಾಗ ಪ್ರವೇಶಿಸಲಿದೆ, ಇಲ್ಲಿ ಎಷ್ಟು ಬೆಲೆ ನಿಗದಿಯಾಗಲಿದೆ ಎಂಬುದು ಖಚಿತವಾಗಿಲ್ಲ.