‘ದೇವಾ ನೀನು’ ವಿಡಿಯೊ ಸಾಂಗ್ ಬಿಡುಗಡೆ

ಕ್ಲಾಸಿಕ್ ಮೀಡಿಯಾ ಯುಟ್ಯೂಬ್‌ ಚಾನೆಲ್‌ನಲ್ಲಿ ಬಿಡುಗಡೆ ಆಗಿರುವ ‘ದೇವಾ ನೀನು’ ವಿಡಿಯೊ ಆಲ್ಬಂ ಹಾಡು ಜನಮನ್ನಣೆ ಗಳಿಸುತ್ತಿದೆ. ಈ ಹಾಡಿಗೆ ಜಿಜೆ ಶಿವಾನಂದ ನಿರ್ದೇಶನವಿದ್ದು, ಅರ್ಫಾಜ್ ಉಳ್ಳಾಲ್ ದನಿ ನೀಡಿದ್ದಾರೆ. ಸನ್ಮಿತ್ ವಿಹಾನ್ ಹಾಗೂ ಪೂಜಿತಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.

ಈ ವಿಡಿಯೊ ಅಲ್ಬಂಗೆ ಡಾ. ಸುನಿಲ್ ಕುಂಬಾರ್‌ ಹಾಗೂ ಶೈಲಜಾ ಪ್ರಕಾಶ್ ಹಣ ಹೂಡಿಕೆ ಮಾಡಿದ್ದಾರೆ. ಜೋಗಿ ಪ್ರೇಮ್, ಹರ್ಷಿಕಾ ಪೂಣಚ್ಚ, ಚಂದನ್ ಶೆಟ್ಟಿ, ಪೃಥ್ವಿ ಅಂಬರ್ , ಶ್ರುತಿ ಪ್ರಕಾಶ್, ಬಾಲ್‌ರಾಜ್‌ ವಾಡಿ, ಸ್ಕಂದ ಅಶೋಕ್, ರಘುರಾಮ್ ಮುಂತಾದ ಚಿತ್ರರಂಗದ ಗಣ್ಯರು ಈ ತಂಡಕ್ಕೆ ವಿಡಿಯೊ ಸಂದೇಶದ ಮುಖಾಂತರ ಶುಭ ಕೋರಿದ್ದಾರೆ.

ಸನ್ಮಿತ್ ಈಗಾಗಲೇ ಮಲೆನಾಡಿನ ಹೂವು ನೀ, ನೀಲಿ ನೀಲಿ ಆಕಾಶ, ಮೋಸಗಾತಿಯೇ ಹಾಡಿನ ಮೂಲಕ ಜನರಿಗೆ ಪರಿಚಿತರಾಗಿದ್ದಾರೆ. ಅಲ್ಲದೇ ಈ ನಟ ವಿಡಿಯೊ ಹಾಡಿನ ಮೂಲಕವೇ ಅಭಿಮಾನಿ ಬಳಗವನ್ನೂ ಸಂಪಾದಿಸಿದ್ದಾರೆ. ಹಾಡಿಗೆ ಭರತ್ ಇಂಡಿಯನ್ ಛಾಯಾಗ್ರಾಹಣವಿದ್ದು ಸುರಕ್ಷಿತ್ ಶೆಟ್ಟಿ ಸಹನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಈ ಹಾಡಿನ ಪ್ರತಿಕ್ರಿಯೆಗೆ ನೋಡಿ ಇನ್ನೊಂದು ವಿಡಿಯೊ ಹಾಡಿನ ಚಿತ್ರೀಕರಣಕ್ಕೆ ಸಿದ್ಧತೆ ಮಾಡಿಕೊಳ್ಳುತ್ತಿದೆ ತಂಡ.