ಇಸ್ರೇಲ್ ಯುದ್ಧವಿಮಾನಕ್ಕೆ ಭಾರತ ಮೂಲದ ಸೌಮ್ಯ ಸಂತೋಷ್‌ ಹೆಸರಿಟ್ಟಿರುವುದು ನಿಜವೇ?
ಇಸ್ರೇಲ್–ಪ್ಯಾಲೆಸ್ಟೀನ್ ಸಂಘರ್ಷದಲ್ಲಿ ಭಾರತ ಮೂಲದ ನರ್ಸ್ ಸೇರಿ ನೂರಾರು ಮಂದಿ ಮೃತಪಟ್ಟಿದ್ದಾರೆ. ಮೃತ ಸೌಮ್ಯ ಸಂತೋಷ್‌ ಅವರಿಗೆ ಗೌರವ ಸಲ್ಲಿಸುವ ಸಲುವಾಗಿ ಇಸ್ರೇಲ್ ದೇಶವು ತನ್ನ ಸೇನೆಯಲ್ಲಿರುವ ಯುದ್ಧವಿಮಾನಕ್ಕೆ ಸೌಮ್ಯ ಅವರ ಹೆಸರು ಇಟ್ಟಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ವಿಮಾನದ ಮೇಲೆ ಸೌಮ್ಯ ಅವರ ಹೆಸರನ್ನು ಬರೆದಿರುವ ಚಿತ್ರ ವೈರಲ್ ಆಗಿದೆ.
ರಿವರ್ಸ್ ಇಮೇಜ್ ತಂತ್ರಜ್ಞಾನದ ಮೂಲಕ ಪರಿಶೀಲಿಸಿದಾಗ, ಚಿತ್ರವ‌ನ್ನು ತಿರುಚಿರುವುದು ಕಂಡುಬಂದಿದೆ ಎಂದು ಆಲ್ಟ್ ನ್ಯೂಸ್ ವರದಿಮಾಡಿದೆ.ವೈರಲ್ ಆಗಿರುವ ಚಿತ್ರದಲ್ಲಿ ವಿಮಾನದ ಮೇಲೆ ಸೌಮ್ಯ ಅವರ ಹೆಸರನ್ನು ಕೃತಕವಾಗಿ ಸೇರಿಸಲಾಗಿದೆ ಎಂಬುದು ಕಂಡುಬಂದಿದೆ. ಚಿತ್ರದಲ್ಲಿರುವುದು ಚೀನಾ ಸೇನೆಯ ಚಂಗ್ಡು ಜೆ10 ಯುದ್ಧವಿಮಾನ. ಮೂಲಚಿತ್ರವನ್ನು 2020ರಲ್ಲಿ ಚೀನಾದ ಟೆನ್‌ಸೆಂಟ್ ಹಾಗೂ ಡೆಡೆ ನ್ಯೂಸ್ ಪ್ರಕಟಿಸಿದ್ದವು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.