ಜಾರ್ಖಂಡ್‌: ಪಾಲಮು ಜಿಲ್ಲೆಯಲ್ಲಿ ನಕ್ಸಲೈಟ್‌ ಬಂಧನ

ಮೇದಿನಿನಗರ (ಜಾರ್ಖಂಡ್‌): ಪಾಲಮು ಜಿಲ್ಲೆಯಲ್ಲಿ ಜಾರ್ಖಂಡ್‌ ಜನಮುಕ್ತಿ ಪರಿಷತ್‌(ಜೆಜೆಎಂಪಿ) ಸೇರಿದ ನಕ್ಸಲ್‌ ವ್ಯಕ್ತಿಯೊಬ್ಬನನ್ನು ವಿಶೇಷ ಪೊಲೀಸ್ ತಂಡ ಬಂಧಿಸಿರುವುದಾಗಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಹುಸೇನಬಾದ್‌ನ ಉಪ ವಲಯದ ಪೊಲೀಸ್ ಅಧಿಕಾರಿ ಪುಜ್ಯ ಪ್ರಕಾಶ್ ಅವರು, ‘ಹಿರಾ ಸಿಕ್ನಿ ಪ್ರದೇಶದಲ್ಲಿ ಭಾನುವಾರ ಅಜಯ್‌ ಪಾಸ್ವಾನ್(25)ಎಂಬ ವ್ಯಕ್ತಿಯನ್ನು ಬಂಧಿಸಿದ್ದೇವೆ‘ ಎಂದು ತಿಳಿಸಿದ್ದಾರೆ.

‘ಪಾಸ್ವಾನ್, ಈ ಸುತ್ತಮುತ್ತಲಿನ ಪ್ರದೇಶದಲ್ಲಿ ಜನರಿಂದ ಹಣ ದೋಚುತ್ತಿದ್ದ. ಈತನ ವಿರುದ್ಧ ಹಲವು ಪ್ರಕರಣಗಳಲ್ಲಿ ಪೊಲೀಸರಿಗೆ ಬೇಕಾಗಿದ್ದ‘ ಎಂದು ಎಸ್‌ಡಿಪಿಒ ಪ್ರಕಾಶ್ ತಿಳಿಸಿದ್ದಾರೆ.