ಸಸ್ಯಾಹಾರಕ್ಕೆ ‘ಸ್ವಯಂ ಪಾಕ’

‘ಸ್ವಯಂಪಾಕ’ ಬ್ಲಾಗ್‌ನಲ್ಲಿ ಕರ್ನಾಟಕದ ಬಹುತೇಕ ಸಸ್ಯಾಹಾರ ಅಡುಗೆಗಳ ಸವಿವರ ಮಾಹಿತಿಯಿದೆ. ಈ ಬ್ಲಾಗ್‌ ಆರಂಭಿಸಿದವರು ರಾಜಿ ಚಂದ್ರಶೇಖರ್‌. 

ಇಂದು ಆಧುನಿಕತೆಯ ಜೀವನ ಶೈಲಿ ಅಡುಗೆ ಮನೆಯನ್ನೆ ಬದಲಾಯಿಸಿದೆ. ಸಂಸ್ಕರಿಸಿದ ಆಹಾರ, ಧಿಡೀರ್ ಖಾದ್ಯಗಳ ಆರ್ಭಟದಲ್ಲಿ ಹಿಂದಿನ ಕಾಲದ ಮನೆ ಅಡುಗೆಗಳು ಮಾಸುತ್ತಾ ಬರುತ್ತಿದೆ. ಆರೋಗ್ಯಕರವಾದ ರೆಸಿಪಿಯನ್ನೇ ಹಂಚಿಕೊಳ್ಳುವುದು ಈ ಬ್ಲಾಗ್‌ ಉದ್ದೇಶ ಎಂದು ರಾಜಿ ಚಂದ್ರಶೇಖರ್‌ ಬರೆದಿದ್ದಾರೆ.

ಚಿಕ್ಕಮಗಳೂರು ಹತ್ತಿರದ ಒಂದು ಸಣ್ಣ ಹಳ್ಳಿ ಕೂದುವಳ್ಳಿಯವರಾದ ರಾಜಿ, ಅಮೆರಿಕದಲ್ಲಿ ನೆಲೆಸಿದ್ದಾರೆ. ಸ್ವಯಂಪಾಕ ಬ್ಲಾಗ್‌ನಲ್ಲಿ ಮೈಸೂರು, ಬೆಂಗಳೂರು, ಮಲೆನಾಡು ಪ್ರದೇಶ, ಉತ್ತರ ಕರ್ನಾಟಕ, ಉಡುಪಿ, ಮಂಗಳೂರು ಅಡುಗೆಗಳ ರೆಸಿಪಿಗಳನ್ನು ಹಂಚಿಕೊಂಡಿದ್ದಾರೆ. ಬೆಳಗ್ಗಿನ ಉಪಹಾರ, ಮಧ್ಯಾಹ್ನ, ರಾತ್ರಿಯೂಟಕ್ಕೆ ಬೇರೆ ಬೇರೆ ರೆಸಿಪಿಗಳು ಇಲ್ಲಿವೆ. ಇದಲ್ಲದೇ ಈ ಬ್ಲಾಗ್‌ನಲ್ಲಿ ಆರೋಗ್ಯ ಸಂಬಂಧಿತ ಮಾಹಿತಿಗಳೂ ಇವೆ. ಆದರೆ ಎಲ್ಲಾ ಮಾಹಿತಿಗಳು ಆಂಗ್ಲ ಭಾಷೆಯಲ್ಲಿವೆ.

ಕೊಂಡಿ–http://swayampaaka.com/