ಹಲಸು ಮತ್ತು ಕರಡಿ
ಸಂಜೆ ಹೊತ್ತು ಆಯಿತು
ಕರಡಿ ಗವಿಯ ಬಿಟ್ಟು
ಬೆಟ್ಟದಿಂದ ಕೆಳಗೆ ಇಳಿಯಿತು
ಊರ ತೋಟದತ್ತ ಸಾಗಿತು
ತೋಟವೆಲ್ಲ ಸುತ್ತಿತು
ಹಲಸಿನ ಮರದಿ ಹಣ್ಣ ಕಂಡಿತು
ಮರವ ಹತ್ತಿ ಹಲಸಿನಣ್ಣು ಕೆಡವಿತು
ಇಳಿಯಲು ಬಾರದೆ ದೊಫ್ ಎಂದು ಬಿದ್ದಿತು
ಹಲಸಿನಣ್ಣು ಬಗೆದು ಬಗೆದು
ತೊಳೆಯ ತೆಗೆದು ತೆಗೆದು
ಗುಳುಂ ಎಂದು ಹೊಟ್ಟೆ ತುಂಬಾ ತಿಂದಿತು
ಬಿದ್ದ ನೋವ ಮರೆಯಿತು
ಬವ್.., ವವ್.., ಶಬ್ದ ಕೇಳಿತು
ಗಡರ್ ಗಡರ್ ಎಂದಿತು
ಜನರ ಕೂಗು ಕಿವಿಗೆ ಬಿದ್ದು
ಹೆದರಿ ಗವಿಯ ದಾರಿ ಹಿಡಿಯಿತು
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.