ಮಕ್ಕಳ ಪದ್ಯ: ಬೆಕ್ಕಿನ ಬೇಟೆ

ಅಕ್ಬರ್‌ ಸಿ.ಕಾಲಿಮಿರ್ಚಿ

Published 25 ಆಗಸ್ಟ್ 2018, 19:30 IST

ಚಿತ್ರ: ಶಿಲ್ಪಾ ಕಬ್ಬಿಣಕಂತಿ

ಬೆಳ್ಳನೆ ಬೆಕ್ಕು
ಒಳಬಂದಿತ್ತು
ಚಿಲಕದ ಸಂದಿಲಿ
ನಡೆದಾಡಿತ್ತು

ಹಾಲಿನ ವಾಸನೆ
ಮೊಸರಿನ ನೆನಪು
ಬೆಣ್ಣೆಯ ಕದಿಯಲು
ಹೊಂಚ್ಹಾಕಿತ್ತು

ಕಿಟಕಿಯ ತೂತನು
ಬಿರಿಬಿರಿ ನೋಡಿ
ಹೊರಡಲು ಕಾಲು
ಮುಂದಾಗಿತ್ತು

ಅಪ್ಪನ ಸದ್ದಿಗೆ
ಪೆಚ್ಚಾಗಿತ್ತು
ಅವ್ವನ ಗೊರಕೆಗೆ
ಬೆದರಿತ್ತು

ಮೆಲ್ಲನೆ ಎಲ್ಲೆಡೆ
ತಿರುಗಿ ನೋಡಿ
ಹುಳ ಹುಪ್ಪಡಿಗಳ
ಆಸೆಯ ಮಾಡಿ

ಇಲಿಯೂ ಕಾಣದ
ಕೋಣೆಯಲಿ
ಹಸಿದಾ ಹೊಟ್ಟೆಗೆ ಮರುಗಿತ್ತು

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ಇದನ್ನೂ ಓದಿ