ಇಸ್ರೊದವರು ಕೇಳಿಬಿಟ್ಟಿದ್ರೆ
ಒಂದೇ ಒಂದು ಮಾತು!
ಚಂದ್ರಯಾನಕೆ ಹೋಗಿಬಿಡುತ್ತಿದ್ದೆ
ರೋವರ್ನಲ್ಲಿ ಕೂತು!
ಭೂಮಿ ಕಕ್ಷೆಯಲ್ಲಿ ಸುತ್ತದೆ
ಹೋಗೇ ಬಿಡುತ್ತಿದ್ದೆ ನೇರ!
ಲ್ಯಾಂಡರ್ನಿಂದ ರೋವರ್ ಇಳಿಸಿ
ಕಾಲಿಡುತ್ತಿದ್ದೆ ಹಗುರ!
ದಕ್ಷಿಣ ಧ್ರುವದ ಕುಳಿಯಲಿ ತಿರುಗಿ
ಮಾಡುತಿದ್ದೆ ಶೋಧ!
ಬೀಜ ನೆಟ್ಟು ಅರಿಯುತಿದ್ದೆ
ಮಣ್ಣಿನ ಗುಣದ ಸ್ವಾದ!
ಹಸಿವು ಊಟದ ಪರಿವೆ ಇಲ್ದೆ
ನೋಡುತ್ತಿದ್ದೆ ಸುತ್ತಿ!
ಚಣಚಣಕೊಮ್ಮೆ ಕಳಿಸುತ್ತಿದ್ದೆ
ತಾಜಾ ಜ್ಞಾನದ ಬುತ್ತಿ!
ಭೇಟಿಯಾಗಿ ಚಂದ್ರನಿಂದ
ಪಡೆಯುತ್ತಿದ್ದೆ ಮಾಹಿತಿ!
ಹಿಂದೆ ಜೀವಿಗಳ್ಯಾರಾದ್ರೇನು
ಹೂಡಿದ್ರೇನು ವಸತಿ!
ಇಸ್ರೊದವರು ನನ್ನನ್ನ ಕೇಳ್ದೆ
ತಪ್ಪು ಮಾಡಿಬಿಟ್ರು!
ಕುತೂಹಲದಿಂದ ಕಾಯೋ ಮಕ್ಕಳ
ಕತ್ತಲಿನಲ್ಲೆ ಇಟ್ರು!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.