ಕಲೀತೀನಿ ಪಟ ಪಟ!

ಸೂಟಿ ಮುಗೀತೋ ಯಪ್ಪ

ಸಾಲೀಗೆ ಹೊಂಟೇನಪ್ಪ!

ಹೊಳಿಸಾಲ ಆಟ

ಮಾವಿನ ಮರದನ ಹಾರಾಟ

ಹೆಂಗ ಮರೀಲೋ ತಿಪ್ಪ!

ಬೇಲ್ಯಾಗಿನ ಜೇನ ತುಪ್ಪ

ಮನ್ಯಾಗಿನ ಕೆನಿ ತುಪ್ಪ

ಸಾಲ್ಯಾಗ ಎಲ್ಲೈತೋ ಬೆಪ್ಪ?

ನಾಕ ನಾಕಲೆ ಹದ್ನಾರು

ಮುಂಜಾಲೆ ಹೇಳ್ತಾರು;

ಎಂಟ ಎರಡಲೆ ಹದ್ನಾರು

ಸಂಜೀ ಮುಂದ ಹೇಳ್ತಾರು!

ಕನಸಿನ್ಯಾಗೂ ಮಗ್ಗೀ ಬಂದು

ಕುಣದಂಗಾಗತೈತಿ

ಸಾಲಿಗೆ ಹೋಗಾಕ ಎದಿ

ಢವ ಢವ ಅನತೈತಿ!

ಹಾಡ್ತಾ, ಕುಣೀತಾ ಕಲ್ಸಿದ್ರೆ ಪಾಠ

ಕಲೀತೀನಿ ಎಲ್ಲ ಪಟ ಪಟ!

ಗ್ರೌಂಡಿನ್ಯಾಗ ಆಡ್ಸಿದ್ರೆ ಆಟ

ತಿಳೀತೈತಿ ನಂಗೆ ಪಾಠ!