ದಸರಾ, ದೀಪಾವಳಿ ಸರಣಿ ಹಬ್ಬಗಳ ಸಾಲಿನಲ್ಲಿ ಟಾಟಾ ಮೋಟಾರ್ಸ್ ವಿಶೇಷ ಆಫರ್ಗಳೊಂದಿಗೆ ‘ಹೆಕ್ಸಾ ಎಕ್ಸ್ ಎಂ ಪ್ಲಸ್’ ಹೊಸ ವೇರಿಯಂಟ್ಕಾರನ್ನು ಬಿಡುಗಡೆ ಮಾಡಿದೆ. ಇದು ಹೊಸ ಲೈಫ್ಸ್ಟೈಲ್ ಎಸ್ ಯು ವಿ ವೇರಿಯಂಟ್ ಕಾರು. ಅತ್ಯಾಕರ್ಷಕ ಬಣ್ಣ ಹಾಗೂ ವೈವಿಧ್ಯಮಯ ಸೌಲಭ್ಯಗಳುಳ್ಳ ಈ ಕಾರಿನ ಬೆಲೆ ₹ 15.27 ಲಕ್ಷ (ನವದೆಹಲಿಯ ಎಕ್ಸ್ ಶೋರೂಂ ಬೆಲೆ).
‘ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಹೊಸ ಮಾಡೆಲ್ ಕಾರುಗಳನ್ನು ಬಿಡುಗಡೆ ಮಾಡುತ್ತಿದ್ದೇವೆ’ ಎಂದು ಕಂಪನಿಯ ಸೇಲ್ಸ್, ಮಾರುಕಟ್ಟೆ ಮತ್ತು ಕಸ್ಟಮರ್ ಸಪೋರ್ಟ್, ಪ್ಯಾಸೆಂಜರ್ ವೆಹಿಕಲ್ ಬ್ಯುಸಿನೆಸ್ ಯುನಿಟ್ನ ಉಪಾಧ್ಯಕ್ಷ ಎಸ್.ಎನ್. ಬರ್ಮನ್ ತಿಳಿಸಿದ್ದಾರೆ.
ಹೆಕ್ಸಾ ಎಕ್ಸ್ ಎಂ ಪ್ಲಸ್ನಲ್ಲಿ ಆಲ್ ನ್ಯೂ ಆರ್ 16 ಚಾರ್ಕೋಲ್ ಗ್ರೇ ಅಲಾಯ್ಸ್, ಅದ್ಭುತ ಒಳಾಂಗಣ ವಿನ್ಯಾಸ, ಸಾಫ್ಟ್ – ಟಚ್ ಡ್ಯಾಷ್ ಬೋರ್ಡ್, ಸ್ಟೀರಿಂಗ್ವೀಲ್ಗೆ ಲೆದರ್ ಹೊದಿಕೆ, ತನ್ನಿಂತಾನೇ ಒಳಾಂಗಣ ವಾತಾವರಣವನ್ನು ನಿಯಂತ್ರಿಸುವ ವ್ಯವಸ್ಥೆ(Fully Automatic Temperature control), ಫ್ರಂಟ್ ಫಾಗ್ ಲ್ಯಾಂಪ್, ಹೆಚ್ಚುವರಿ ಸುರಕ್ಷತಾ ಸೌಲಭ್ಯಗಳು, ರಿವರ್ಸ್ ಪಾರ್ಕಿಂಗ್ ಸೆನ್ಸರ್ ಕ್ಯಾಮೆರಾ, ಆಟೊಮ್ಯಾಟಿಕ್ ಹೆಡ್ ಲ್ಯಾಂಪ್ಸ್, ಮಳೆಹನಿ ಗ್ರಹಿಸುವ ಸೆನ್ಸರ್ ವೈಪರ್ಗಳು, ಎಲೆಕ್ಟ್ರಿಕಲಿ ಅಡ್ಜೆಸ್ಟ್ ಮಾಡುವಂತಹ ಕನ್ನಡಿಗಳಂತಹ ಸೌಲಭ್ಯಗಳಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.