ಹುಂಡೈ ಟಕ್ಸನ್‌ ಹೊಸ ಆವೃತ್ತಿ ಅನಾವರಣ

ನವದೆಹಲಿ: ಹುಂಡೈ ಮೋಟರ್ ಇಂಡಿಯಾ ಕಂಪನಿಯು ಟಕ್ಸನ್‌ ಎಸ್‌ಯುವಿಯ ಹೊಸ ಆವೃತ್ತಿಯನ್ನು ಬುಧವಾರ ಅನಾವರಣಗೊಳಿಸಿದೆ. ಮುಂದಿನ ತಿಂಗಳು ಇದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಆಲೋಚನೆಯನ್ನು ಕಂಪನಿ ಹೊಂದಿದೆ.

ನಾಲ್ಕನೇ ಪೀಳಿಗೆಯ ಈ ಆವೃತ್ತಿಯು ಪೆಟ್ರೋಲ್‌ ಮತ್ತು ಡೀಸೆಲ್‌ ಎಂಜಿನ್‌ಗಳಲ್ಲಿ ಕ್ರಮವಾಗಿ 6 ಮತ್ತು 8 ಸ್ಪೀಡ್‌ ಆಟೊಮೆಟಿಕ್‌ ಟ್ರಾನ್ಸ್‌ಮಿಷನ್‌ಗಳಲ್ಲಿ ಲಭ್ಯವಿದೆ.

ಎರಡನೇ ಹಂತದ ಸುಧಾರಿತ ಚಾಲನಾ ಸಹಾಯ ವ್ಯವಸ್ಥೆಯನ್ನು (ಎಡಿಎಎಸ್‌) ಇದು ಹೊಂದಿದೆ. ಕ್ಯಾಮೆರಾ ಮತ್ತು ರೇಡಾರ್‌ ಸೆನ್ಸರ್‌ ಮೂಲಕ ರಸ್ತೆಯಲ್ಲಿ ಕಾರು, ಪಾದಚಾರಿ ಅಥವಾ ಸೈಕಲ್‌ ಸವಾರರನ್ನು ಇದು ಗುರುತಿಸಬಲ್ಲದು ಎಂದು ಕಂಪನಿ ತಿಳಿಸಿದೆ.