ವಾಷಿಂಗ್ಟನ್: ಹೋಂಡಾ ಮೋಟಾರ್ ಕಾರುಗಳ ಬಿಡಿಭಾಗವೊಂದರಲ್ಲಿ ದೋಷ ಕಾಣಿಸಿಕೊಂಡಿದ್ದು, ಅವುಗಳನ್ನು ವಾಪಸ್ ಕರೆಸಿಕೊಂಡು, ಬದಲಾಯಿಸಿಕೊಡಲು ಸಂಸ್ಥೆ ಮುಂದಾಗಿದೆ.
ಸುಮಾರು 7,61,000 ಕಾರುಗಳಲ್ಲಿ ಜಾಗತಿಕವಾಗಿ ಫುಯೆಲ್ ಪಂಪ್ ಸಮಸ್ಯೆ ಕಾಣಿಸಿಕೊಂಡಿದೆ. ಅದರಿಂದ ಎಂಜಿನ್ ತೊಂದರೆ ಕಾಣಿಸಿಕೊಳ್ಳುತ್ತಿದೆ. ಹೀಗಾಗಿ ಅವುಗಳನ್ನು ಕಂಪನಿ ಬದಲಾಯಿಸಿಕೊಡಲಿದೆ.
ಈ ಪೈಕಿ 6,28,000 ಕಾರುಗಳು ಅಮೆರಿಕದಲ್ಲಿವೆ. ಮತ್ತು 2018ರಿಂದ 2020ರ ಅವಧಿಯಲ್ಲಿ ತಯಾರಾದ ಅಕ್ಯುರಾ ಮತ್ತು ಹೋಂಡಾ ಕಾರುಗಳಿವೆ. ಆದರೆ ಈ ದೋಷದಿಂದ ಕಾರು ಅಪಘಾತಕ್ಕೀಡಾದ ಯಾವುದೇ ವರದಿ ಬಂದಿಲ್ಲ ಎಂದು ಕಂಪನಿ ಹೇಳಿದೆ.
ಹೋಂಡಾ ಅಕೋರ್ಡ್, ಸಿವಿಕ್, ಸಿಆರ್-ವಿ ಮತ್ತಿತರ ಮಾದರಿಗಳು ಕೂಡ ಸೇರಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.