ಇನ್ನೊವಾ ಹೈಕ್ರಾಸ್: ಬುಕಿಂಗ್ ತಾತ್ಕಾಲಿಕ ಸ್ಥಗಿತ

ಬೆಂಗಳೂರು: ಟೊಯೊಟ ಕಿರ್ಲೋಸ್ಕರ್ ಮೋಟರ್ ಕಂಪನಿಯು ‘ಇನ್ನೊವಾ ಹೈಕ್ರಾಸ್‌’ ಮಾದರಿಯ ಜೆಡ್‌ಎಕ್ಸ್‌ ಮತ್ತು ಜೆಡ್‌ಎಕ್ಸ್‌(ಒ) ಅವತರಣಿಕೆಗಳ ಬುಕಿಂಗ್‌ಅನ್ನು ಶನಿವಾರದಿಂದ ಜಾರಿಗೆ ಬರುವಂತೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ.

ಪೂರೈಕೆ ಸವಾಲುಗಳ ಕಾರಣದಿಂದಾಗಿ ಹೀಗೆ ಮಾಡಲಾಗಿದೆ. ಇನ್ನೊವಾ ಹೈಕ್ರಾಸ್‌ನ ಇತರ ಅವತರಣಿಕೆಗಳ ಬುಕಿಂಗ್‌ ಮುಂದುವರಿಯಲಿದೆ ಎಂದು ಕಂಪನಿಯು ಸ್ಪಷ್ಟಪಡಿಸಿದೆ.