ಪ್ರತಿದಿನ 264 ಹೊಸ ಕಂಪೆನಿ ನೋಂದಣಿ!

ನವದೆಹಲಿ(ಪಿಟಿಐ):  ಭಾರತೀಯ­ರಲ್ಲಿ ಇತ್ತೀಚಿನ ದಿನಗಳಲ್ಲಿ ಉದ್ಯಮ ಆರಂಭಿ ಸುವ ಉಮೇದು ಹೆಚ್ಚುತ್ತಿದೆ. ಜನವರಿ ಯಲ್ಲಿ ದಿನಕ್ಕೆ ತಲಾ 264 ಕಂಪೆನಿಗಳಂತೆ ಹೊಸ ಉದ್ಯಮ ಸಂಸ್ಥೆಗಳು ನೋಂದಣಿ ಯಾಗಿವೆ.

ಇಡೀ ತಿಂಗಳಲ್ಲಿ ದೇಶದಲ್ಲಿ ಒಟ್ಟು 8,206 ಹೊಸ ವಾಣಿಜ್ಯ, ಉದ್ಯಮ ಸಂಸ್ಥೆಗಳು ನೋಂದಣಿ ಆಗಿ ಕಾರ್ಯಾ ರಂಭ ಮಾಡಿವೆ!
ಕಂಪೆನಿಗಳೇನೋ ಹೆಚ್ಚಿನ ಸಂಖ್ಯೆ ಯಲ್ಲಿ ಕಾರ್ಯಾರಂಭ ಮಾಡಿದ್ದರೂ ಇವುಗಳೆಲ್ಲದರ ಒಟ್ಟಾರೆ ಬಂಡವಾಳ ₨943.21 ಕೋಟಿಯಷ್ಟಿದೆ.

ಕಂಪೆನಿ ವ್ಯವಹಾರಗಳ ಸಚಿವಾಲ ಯದ ಅಧೀನ ಇಲಾಖೆಯಲ್ಲಿ, ಭಾರ­ತೀಯ ಕಂಪೆನಿ ಕಾಯ್ದೆಯಡಿ ಈ ಹೊಸ ಉದ್ಯಮ ಸಂಸ್ಥೆಗಳು ನೋಂದ­ಣಿ ಆಗಿವೆ. ನಿಯಮಿತ ಷೇರು ಬಂಡ­ವಾ­ಳದ ಮೂಲಕ ಆರಂಭಗೊಂಡಿ­ರುವ ನೂತನ ಕಂಪೆನಿಗಳಲ್ಲಿ ಹೆಚ್ಚಿನವು ಮಹಾರಾಷ್ಟ್ರ ದಲ್ಲಿ ಆರಂಭಗೊಳ್ಳುತ್ತಿವೆ ಎಂಬುದು ವಿಶೇಷ.

ಮಹಾರಾಷ್ಟ್ರದಲ್ಲಿ 1563, ದೆಹಲಿ 1356, ಉತ್ತರ ಪ್ರದೇಶ 741 ಹೊಸ ಉದ್ಯಮ ಸಂಸ್ಥೆಗಳು ಜನವರಿಯಲ್ಲಿ ನೋಂದಣಿಯಾಗಿವೆ. ಇದರೊಂದಿಗೆ ದೇಶದಲ್ಲಿನ ನೋಂದಾಯಿತ ಉದ್ಯಮ ಸಂಸ್ಥೆಗಳ ಸಂಖ್ಯೆ ಜನವರಿ ಮಾಸಾಂತ್ಯ ವೇಳೆಗೆ 13.77 ಲಕ್ಷಕ್ಕೇರಿದಂತಾಗಿದೆ. ಇವುಗಳಲ್ಲಿ 9.37 ಕಂಪೆನಿಗಳು ಮಾತ್ರ ಸದ್ಯ ಚಟುವಟಿಕೆಯಲ್ಲಿವೆ.