ಬಂಗಾರ ತುಸುವೇ ಅಗ್ಗ: ರೂ.75 ಇಳಿಕೆ

ಮುಂಬೈ (ಪಿಟಿಐ): ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಚಿನ್ನದ ಧಾರಣೆ ಮತ್ತೆ ಮಂಗಳವಾರ ಇಳಿಕೆ ಆಗಿದೆ. ಸೋಮವಾರ ರೂ.445ರಷ್ಟು ಏರಿಕೆಯಾಗಿದ್ದ ಅಪರಂಜಿ ಚಿನ್ನ ಮಂಗಳವಾರ ರೂ.75ರಷ್ಟು ಇಳಿಕೆಯಾಯಿತು. ಬೆಳ್ಳಿಯೂ ರೂ.1030ರಷ್ಟು ಮೌಲ್ಯ ಕಳೆದುಕೊಂಡಿತು.

10 ಗ್ರಾಂ ಅಪರಂಜಿ ಚಿನ್ನ ಮಂಗಳವಾರ ರೂ.26,765ಕ್ಕೆ ಇಳಿಕೆಯಾದರೆ, ಸ್ಟ್ಯಾಂಡರ್ಡ್ ಚಿನ್ನ ರೂ.70ರಷ್ಟು ಕಡಿಮೆಯಾಗಿ ರೂ.26,630ಕ್ಕೆ ಬಂದಿತು. ಕೆ.ಜಿ. ಸಿದ್ಧ ಬೆಳ್ಳಿ ರೂ.46,180ರಿಂದ ರೂ.45,150ಕ್ಕಿಳಿಯಿತು.

ಆದರೆ, ನವದೆಹಲಿಯಲ್ಲಿ ಮಾತ್ರ ನಾಲ್ಕನೇ ದಿನವಾದ ಮಂಗಳವಾರವೂ ಬಂಗಾರದ ಏರುಗತಿ ಮುಂದುವರಿಯಿತು. ರೂ.200ರಷ್ಟು ಏರಿಕೆ ದಾಖಲಿಸಿದ 10 ಗ್ರಾಂ ಅಪರಂಜಿ ಚಿನ್ನ ರೂ.27,600ಕ್ಕೂ, ಸ್ಟ್ಯಾಂಡರ್ಡ್ ಚಿನ್ನ ರೂ.27,400ಕ್ಕೂ ಬೆಲೆ ಹೆಚ್ಚಿಸಿಕೊಂಡಿತು.