ಮಹಿಳಾ ಉದ್ಯಮಿ ಸಾಧನೆ: ಫಾರ್ಚೂನ್‌
ನವದೆಹಲಿ(ಪಿಟಿಐ): ಯಾವುದೇ ಉದ್ಯಮದ ಮನೆತನ ಅಥವಾ ಅನು ಭವದ ಹಿನ್ನೆಲೆ ಇಲ್ಲದೆಯೇ, ಹೊಸ ಕಂಪೆನಿ(ಸ್ಟಾರ್ಟ್‌ಅಪ್‌) ಸ್ಥಾಪಿಸಿ, ಈಗ ಲಾಭದಾಯಕವಾಗಿ ಮುನ್ನಡೆಸುತ್ತಿ ರುವ 40 ವರ್ಷದೊಳಗಿನ 40 ಉದ್ಯ ಮಿಗಳ ಪಟ್ಟಿಯನ್ನು ಪಾರ್ಚೂನ್‌ ಇಂಡಿಯಾ ಪ್ರಕಟಿಸಿದೆ.
ಈ ಪಟ್ಟಿಯಲ್ಲಿ ಏಳು ಮಹಿಳಾ ಉದ್ಯಮಿಗಳೂ ಸ್ಥಾನ ಪಡೆದಿರುವುದು ವಿಶೇಷ.
‘ಇದು ಹೊಸ ಹಾಗೂ ಭಿನ್ನ ಸ್ವರೂಪದ ಯೋಜನೆಗಳೊಂದಿಗೆ ಮಾರುಕಟ್ಟೆ ಪ್ರವೇಶಿಸಿ ಯಶಸ್ವಿಯಾದ ಉದ್ಯಮಿಗಳ ಪಟ್ಟಿ. ಉದ್ಯಮಿಗಳಿಗೆ ನೀಡಿರುವ ಶ್ರೇಣಿ ಅಲ್ಲ. ಅಲ್ಲದೇ, ಉದ್ಯಮ ನಿರತ ಕುಟುಂಬದಿಂದ ಬಂದ ವ್ಯಕ್ತಿಗಳೂ ಈ ಪಟ್ಟಿಯಲ್ಲಿಲ್ಲ ಎಂದೂ ಫಾರ್ಚೂನ್‌ ಇಂಡಿಯಾ ಸ್ಪಷ್ಟಪಡಿಸಿದೆ.
ಬೆಂಗಳೂರು ಮೂಲದ ‘ಥೆರಾಮೈಟ್‌ ನೊವೊಬಯೊಲಾಜಿಕ್ಸ್‌’ ನಿರ್ದೇಶಕಿ ಕವಿತಾ ಅಯ್ಯರ್‌ ರೋಡ್ರಿಗಸ್‌, ‘ಜಿವೆಮ್‌ ಡಾಟ್‌ಕಾಂ’ ಸ್ಥಾಪಕಿ ಮತ್ತು ‘ಸಿಇಒ’ ರಿಚಾ ಖರ್‌, ‘ಗ್ಲೋಬಲ್‌ಸ್ಪಾಟ್’ ಕಂಪೆನಿ ‘ಸಿಇಒ’ ಕವಿತಾ ಭೂಪತಿ ಚಡ್ಡಾ, ‘ಫಾಸ್ಟ್‌ಟ್ರಾಕ್‌ ಅಂಡ್‌ ನ್ಯೂ ಬ್ರಾಂಡ್‌’ನ ಭಾರತೀಯ ಮಾರುಕಟ್ಟೆ ಮುಖ್ಯಸ್ಥೆ ಸಿಮ್ರನ್‌ ಭಾಷಿನ್‌, ‘ಮೈದಾಸ್‌’ ಕಂಪೆನಿ ಸ್ಥಾಪಕಿ ಗೌರಿ ಸಿಂಗ್‌, ‘ಟಾಟಾ ಸ್ಟಾರ್‌ ಬಕ್ಸ್‌’ನ ‘ಸಿಇಒ’ ಆವನಿ ಸಗ್ಲಾನಿ ದೇವ್ಡಾ, ‘ಇಂಡಿಯಾ ಆರ್ಟ್‌ಫೇರ್‌’ ಸ್ಥಾಪಕಿ ನೇಹಾ ಕೃಪಾಲ್‌ ಪಟ್ಟಿಯಲ್ಲಿರುವ ವಿಶಿಷ್ಟ ಸಾಧನೆಯ ಮಹಿಳಾ ಉದ್ಯಮಿಗಳು.
ಈ ಕಂಪೆನಿಗಳ ಸರಾಸರಿ ಪ್ರಗತಿ, ಲಾಭಾಂಶ, ಮಾರುಕಟ್ಟೆ ಮೌಲ್ಯ, ಸೇವಾ ಗುಣಮಟ್ಟ ಮೊದಲಾದ ಅಂಶಗಳನ್ನು ಆಧರಿಸಿ ಪಟ್ಟಿ ಸಿದ್ಧಪಡಿಸಲಾಗಿದೆ.
ಇ–ಕಾಮರ್ಸ್‌ ತಾಣ ಫ್ಲಿಪ್‌ಕಾರ್ಟ್‌ನ ಸ್ಥಾಪಕರಾದ ಸಚಿನ್‌ ಮತ್ತು ಬಿನ್ನಿ ಬನ್ಸಾಲ್‌, ಟ್ಯಾಕ್ಸಿ ಫಾರ್‌ ಷ್ಯೂರ್‌ ಸಂಸ್ಥೆಯ ಸ್ಥಾಪಕರಾದ ಅಪ್ರಮೇಯ ರಾಧಾ ಕೃಷ್ಣ ಮತ್ತು ರಘುನಂದನ್‌ ಜಿ, ಇನ್‌ಮೊಬಿ ಕಂಪೆನಿಯ ‘ಸಿಇಒ’ ನವೀನ್‌ ತಿವಾರಿ, ಜಬಂಗ್‌ ಡಾಟ್‌ಕಾಂನ ಅರುಣ್‌ ಮೋಹನ್‌ ಮತ್ತು ಪ್ರವೀಣ್‌ ಸಿನ್ಹಾ ಕೂಡ ಪಟ್ಟಿ ಯಲ್ಲಿರುವ 40 ವರ್ಷದ ಪ್ರಮುಖ ಪುರುಷ ಉದ್ಯಮಿಗಳು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.